اردو حاشہ:
فوائد و مسائل:
(1)
  مذکورہ روایت کی بابت ہمارے فاضل محقق لکھتے ہیں یہ سنداً ضعیف ہے البتہ گزشتہ حدیث 1730 اس سے کفایت کرتی ہےکیونکہ یہ سابق حدیث کے ہم معنی ہی ہے دیگر محققین نے بھی اسے گزشتہ حدیث کی وجہ سے قابل عمل اور قا بل حجت قرار دیا ہے۔ دیکھیے: (إرواء الغلیل110، 109/4 وسنن ابن ماجة للدکتور بشار عواد، حدیث: 1731)

(2)
عرفے کے دن سے مراد ذوالحجہ کی نو(9)
تا ر یخ ہے اسے عرفے کا دن اس لئے کہتے ہیں کہ اس دن حاجی عرفا ت کے میدان میں ٹھہرے ہو ئے ہوتے ہیں اور وقوف عرفات حج کا عظیم ترین رکن ہے جو شخص اس دن عرفات میں نہ پہنچ سکے اس کا حج نہیں ہوتا
(3)
اس قسم کی احادیث میں گناہوں کی معافی سے مراد عام طور پر صغیرہ گناه ہوتے ہیں لیکن اخلاص نیت کی وجہ سے شاید بعض کبیرہ گناہ بھی معاف ہو جائیں بعض لوگ عرفے کا روزہ اس دن رکھتے ہیں جس دن سعودی عرب میں 9 ذوالحجہ ہو یہ درست نہیں کیونکہ جو عبادات اوقات مقررہ سے تعلق رکھتی ہیں ان میں عمل کرنے والے کے مقام کا اعتبار ہوتا ہے جس طرح ہم پا کستان میں ظہر کی نماز مکہ میں سورج ڈھل جانے تک موخر نہیں کرتے یا مدینہ میں سورج غروب ہو جانے تک یہا ں روزہ کھولنا مؤخر نہیں کر سکتے اسی طرح تاریخ میں بھی ہر شہر میں مقامی طو ر پر چاند نظر آنے یا نہ آنے پر دارومدار ہے۔
نیز تفصیل کے لئے دیکھیے، حدیث: 1652 کے فوائد ومسائل۔