حضرت صفوان بن عسال رضی اللہ عنہ سے روایت ہے، انہوں نے فرمایا: ”رسول اللہ صلی اللہ علیہ وسلم نے ہمیں لشکر میں (ایک جنگی مہم پر) روانہ کیا تو (الوداع کہتے وقت) آپ صلی اللہ علیہ وسلم نے فرمایا: ” «بِسْمِ اللّٰهِ» ”اللہ کے نام سے“، اللہ کی راہ میں چلو، اللہ کے ساتھ کفر کرنے والوں سے جنگ کرو اور مثلہ نہ کرنا، عہد شکنی نہ کرنا، مالِ غنیمت میں خیانت نہ کرنا اور کسی بچے کو قتل نہ کرنا۔““ [سنن ابن ماجه/كتاب الجهاد/حدیث: 2857]