اردو حاشہ:
وضاحت:
1؎:
غیلان بن سلمہ ثقیف کے سرداروں میں سے تھے،
فتح طائف کے بعد انھوں نے اسلام قبول کیا۔

2؎:
اس حدیث سے معلوم ہوا کہ مسلمان کے لیے چارسے زائد بیویاں ایک ہی وقت میں رکھنا جائز نہیں،
لیکن اس حکم سے نبی اکرم صلی اللہ علیہ وسلم کی ذات گرامی مستثنیٰ ہے،
آپ کے حرم میں بیک وقت نوبیویاں تھیں،
یہ رعایت خاص آپ کے لیے تھی اوراس میں بہت سی دینی،
سیاسی،
مصلحتیں کارفرما تھیں آپ کے بعد یہ کسی کے لیے جائز نہیں۔

3؎:
ابورغال کے بارے میں دومختلف روایتیں ہیں،
پہلی روایت یہ ہے کہ یہ طائف کے قبیلہ ثقیف کا ایک شخص تھا جس نے ابرہہ کی مکے کی جانب رہبری کی تھی وہ مغمس کے مقام پرمرا اور وہیں دفن کیا گیا اور اس کی قبر پر پتھراؤکرنا عام رسم بن گئی،
دوسری روایت ہے کہ ابورغال قوم ثمود کا وہ واحدشخص تھا جو ہلاکت سے بچ گیا تھا،
ثمود کی تباہی کے وقت وہ مکہ میں مقیم تھااور اس جگہ کی حرمت کے باعث محفوظ رہا تاہم مکہ سے نکلنے کے فوراً بعد مرگیا،
رسول اللہ صلی اللہ علیہ وسلم جب اپنی فوج کے ساتھ الحجرکے مقام سے گزررہے تھے تو آپ نے یہ بات بیان فرمائی تھی،
الأغانی کی ایک حکایت میں ابورغال کو طائف کا بادشاہ اوربنوثقیف کا جدامجد بھی بیان کیا گیا ہے،
اس کے معاملے میں حافظ ابن قتیبہ اورمسعودی ایسے مصنف ایک اورروایت نقل کرتے ہیں کہ بنوثقیف ہی نے ابورغال کو جو ایک ظالم اوربے انصاف شخص تھا قتل کیاتھا۔

تخریج:
«أخرجه الترمذي، النكاح، باب ما جاء في الرجل يسلم وعنده عشر نسوة، حديث:1128، وابن ماجه، النكاح، حديث:1953، وأحمد:2 /13، 14، 44، 83، وابن حبان (الإحسان):6 /182، حديث:4145، والحاكم: 2 /192، وانظر علل الحديث لابن أبي حاتم:1 /400، الزهري عنعن، وللحديث شواهد ضعيفة.» تشریح:
1. مذکورہ روایت کو ہمارے فاضل محقق نے سنداً ضعیف قرار دیا ہے جبکہ دیگر محققین نے اسے شواہد کی بنا پر صحیح قرار دیا ہے۔
اور ان محققین کی بحث سے تصحیح حدیث والی رائے ہی اقرب الی الصواب معلوم ہوتی ہے۔
واللّٰہ أعلم۔
بنابریں مذکورہ روایت سنداً ضعیف ہونے کے باوجود قابل عمل اور قابل حجت ہے۔
مزید تفصیل کے لیے دیکھیے: (الموسوعۃ الحدیثیۃ مسند الإمام أحمد:۸ /۲۲۰‘ ۲۲۴‘ و:۹ /۶۹‘ وإرواء الغلیل:۶ /۲۹۱‘ ۲۹۶‘ رقم:۱۸۸۳‘ ۱۸۸۵) 2.اس حدیث سے معلوم ہوا کہ ایک مسلمان کے لیے چار سے زائد بیویاں ایک ہی وقت میں رکھنا حرام ہے اور یہ حکم متعدد روایات میں منقول ہے۔
نبی ٔاکرم صلی اللہ علیہ وسلم کے حرم میں نوبیویاں تھیں تو یہ آپ صلی اللہ علیہ وسلم کے لیے خاص رعایت تھی کیونکہ اس میں بہت سی دینی اور سیاسی مصلحتیں تھیں۔
اور یہ رعایت خود اللہ تعالیٰ نے اپنے نبی کو دی تھی‘ اس لیے اس پر اعتراض کرنا سراسر حماقت ہے۔
وضاحت: «حضرت غیلان بن سلمہ ثقفی رضی اللہ عنہ» ‏‏‏‏ ”غین“ پر فتحہ اور ”یا“ ساکن ہے۔
ثقیف کے سرداروں میں سے تھے۔
فتح طائف کے بعد اسلام قبول کیا اور ہجرت نہیں کی۔
خوش الحان شاعر تھے۔
خلافت عمر رضی اللہ عنہ میں وفات پائی۔

اردو حاشہ:
فوائد و مسائل:
(1)
مذکورہ دونوں روایتوں کو ہمارے فاضل محقق نے سنداً ضعیف قرار دیا ہے جبکہ دیگر محققین نے انہیں صحیح قرار دیا ہے۔
تفصیل کے لیے دیکھیئے:
(الموسوعة الحدیثة مسند الإمام أحمد: 8؍220، 224، و 9؍69 و إرواء الغلیل: 6؍291، 292، رقم: 1883، 1885)
بنا بریں مذکورہ روایتیں سنداً ضعیف ہونے کے باوجود دیگر شواہد کی بنا پر قابل عمل اور قابل حجت ہیں۔

(2)
اگر کوئی شخص اسلام سے پہلے چار سے زیادہ عورتوں سے نکاح کر چکا ہو تو اسلام قبول کرنے کے بعد اسے چار عورتیں نکاح میں رکھنے کا حق ہے۔
باقی عورتوں کو طلاق دینا ضروری ہے۔

(3)
چار سے زیادہ عورتیں نکاح میں ہونے کی صورت میں مرد کو یہ حق حاصل ہے کہ وہ اپنی مرضی سے جونسی چار عورتیں پسند کرے، انہیں نکاح میں رکھ لے۔
اس میں یہ شرط نہیں کہ جن سے پہلے نکاح ہوا ہو انہیں رکھا جائے یا بعد والیوں کو رکھا جائے۔