روزہ دار کی فضیلت کا بیان جب اس کے پاس کھایا جائے۔
ام عمارہ بنت کعب انصاریہ رضی الله عنہا کہتی ہیں کہ نبی اکرم صلی اللہ علیہ وسلم ان کے پاس آئے، انہوں نے آپ کو کھانا پیش کیا، تو آپ نے فرمایا: ”تم بھی کھاؤ“، انہوں نے کہا: میں روزہ سے ہوں تو رسول اللہ صلی اللہ علیہ وسلم نے فرمایا: ”روزہ دار کے لیے فرشتے استغفار کرتے رہتے ہیں، جب اس کے پاس کھایا جاتا ہے جب تک کہ کھانے والے فارغ نہ ہو جائیں۔‏‏‏‏“ بعض روایتوں میں ہے ”جب تک کہ وہ آسودہ نہ ہو جائیں۔‏‏‏‏“ [سنن ترمذي/كتاب الصيام/حدیث: 785]