سنن ابن ماجه: کتب/ابواب
احادیث
رواۃ الحدیث
سوانح حیات امام ابن ماجہ رحمہ اللہ تاثرات و تجاویز
Download
الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔
کتاب: حج و عمرہ کے احکام و مسائل
Chapters on Hajj Rituals
103. . بَابُ : فَضْلِ مَكَّةَ
103. باب: مکہ کی فضیلت کا بیان۔
Chapter: The virtue of Makkah
عبداللہ بن عدی بن حمراء رضی اللہ عنہ کہتے ہیں کہ میں نے رسول اللہ صلی اللہ علیہ وسلم کو دیکھا کہ آپ اپنی اونٹنی پر حزورہ (مکہ میں ایک مقام) میں کھڑے فرما رہے تھے: ” قسم اللہ کی! بلاشبہ تو اللہ کی ساری زمین سے بہتر ہے، اور اللہ کی زمین میں مجھے سب سے زیادہ پسند ہے، قسم اللہ کی! اگر میں تجھ سے نکالا نہ جاتا تو میں نہ نکلتا“ ۔
Report Error
تخریج الحدیث دارالدعوہ: «سنن الترمذی/المناقب 69 (3925)، (تحفة الأشراف: 6641)، وقد أخرجہ: مسند احمد (4/305)، سنن الدارمی/السیر 67 (2552) (صحیح)»
قال الشيخ الألباني: صحيح
قال الشيخ زبير على زئي: إسناده صحيح
● سنن ابن ماجه 3108 عبد الله بن عدي إنك لخير أرض الله وأحب أرض الله إلي والله لولا أني أخرجت منك ما خرجت
سنن ابن ماجہ کی حدیث نمبر 3108 کے فوائد و مسائل
مولانا عطا الله ساجد حفظ الله، فوائد و مسائل، سنن ابن ماجه، تحت الحديث3108
اردو حاشہ: فوائد و مسائل: (1) مکہ مکرمہ دنیا میں سب سے افضل شہر ہے۔ (2) مکہ مکرمہ مدینہ منورہ سے بھی افضل ہے کیونکہ وہاں بیت اللہ شریف واقع ہے۔ جو مسجد نبوی سے افضل مقام ہے۔ (3) مقدس مقامات سے محبت رکھنی چاہیے۔ (4) تاکید کے طور پر اللہ کی قسم کھانا جائز ہے۔ اگرچہ مخاطب کو کلام کی صحت میں شک نہ ہو۔ تاہم ہر بات میں بلاضرورت قسم کھانا مکروہ ہے۔
سنن ابن ماجہ شرح از مولانا عطا الله ساجد، حدیث/صفحہ نمبر: 3108