´باب:۔۔۔`
ابوہریرہ رضی الله عنہ سے روایت ہے کہ ایک شخص نے عرض کیا: اللہ کے رسول! میں نے آج رات آپ کی دعا سنی، میں نے آپ کی جو دعا سنی وہ یہ تھی: «اللهم اغفر لي ذنبي ووسع لي في داري وبارك لي فيما رزقتني» ”اے اللہ! میرے گناہ بخش دے اور میرے گھر میں کشادگی دے، اور میرے رزق میں برکت دے“، آپ نے فرمایا: ”کیا ان دعائیہ کلمات نے کچھ چھوڑا؟ (یعنی ان میں دین دنیا کی سبھی بھلائیاں آ گئی ہیں)۔ [سنن ترمذي/كتاب الدعوات/حدیث: 3500]

اردو حاشہ:
وضاحت:
1؎:
اے اللہ! میرے گناہ بخش دے اور میرے گھر میں کشادگی دے،
اور میرے رزق میں برکت دے۔

نوٹ:
دعا کا حصہ حسن ہے، بقیہ ضعیف،
سند میں راوی ”سعید بن ایاس جریری“ مختلط ہو گئے تھے،
اور ”عبد الحمید الھلالی“ بہت غلطیاں کرتے تھے،
مگر نفسِ اس دعا کے الفاظ ابوموسیٰ رضی اللہ عنہ کی روایت سے تقویت پا کردعا کا ٹکڑا حسن ہے،
ملاحظہ ہو: (غایة المرام رقم: 112)