5129. سیدنا ابن عمر ؓ سے روایت ہے، انہوں نے بتایا کہ جب سیدہ حفصہ بنت عمر‬ ؓ س‬یدنا خنیس بن حذافہ سہمی ؓ سے بیوہ ہوئیں۔۔۔ وہ (ابن حذافہ ؓ) نبی ﷺ کے اصحاب سے تھے اور غزوہ بدر میں شریک تھے، ان کی وفات مدینہ طیبہ میں ہوئی تھی۔۔۔ سیدنا عمر بن خطاب ؓ نے کہا کہ میں عثمان بن عفان ؓ سے ملا اور انہیں سیدہ حفصہ‬ ؓ س‬ے نکاح کی پیش کش کی اور ان سے کہا: اگر آپ چاہیں تو حفصہ کا نکاح آپ سے کردوں؟ سیدنا عثمان بن عفان ؓ نے جواب دیا: میں اس معاملے کے متعلق غور کروں گا۔ چند دن میں نے انتظار کیا، اس کے بعد وہ مجھ سے ملے اور کہا: میرے لیے یہ ظاہر ہوا ہے کہ میں ابھی نکاح نہ کروں۔ سیدنا عمر بن خطاب ؓ نے کہا: پھر میں سیدنا ابوبکر صدیق ؓ سے ملا اور ان سے کہا: اگر آپ چاہیں تو میں حفصہ‬ ؓ ک‬ا نکاح آپ سے کردوں۔ [صحيح بخاري، حديث نمبر:5129]

حدیث حاشیہ:
یہیں سے حضرت امام بخاری نے باب کا مطلب نکالا کیونکہ حضرت حفصہ رضی اللہ عنہا باوجود یکہ بیوہ تھیں لیکن حضرت عمر فاروق رضی اللہ عنہ کی ولایت ان پر سے ساقط نہیں ہوئی، حضرت عمررضی اللہ عنہ نے کہا کہ میں ان کا نکاح کر دیتا ہوں۔

5129. سیدنا ابن عمر ؓ سے روایت ہے، انہوں نے بتایا کہ جب سیدہ حفصہ بنت عمر‬ ؓ س‬یدنا خنیس بن حذافہ سہمی ؓ سے بیوہ ہوئیں۔۔۔ وہ (ابن حذافہ ؓ) نبی ﷺ کے اصحاب سے تھے اور غزوہ بدر میں شریک تھے، ان کی وفات مدینہ طیبہ میں ہوئی تھی۔۔۔ سیدنا عمر بن خطاب ؓ نے کہا کہ میں عثمان بن عفان ؓ سے ملا اور انہیں سیدہ حفصہ‬ ؓ س‬ے نکاح کی پیش کش کی اور ان سے کہا: اگر آپ چاہیں تو حفصہ کا نکاح آپ سے کردوں؟ سیدنا عثمان بن عفان ؓ نے جواب دیا: میں اس معاملے کے متعلق غور کروں گا۔ چند دن میں نے انتظار کیا، اس کے بعد وہ مجھ سے ملے اور کہا: میرے لیے یہ ظاہر ہوا ہے کہ میں ابھی نکاح نہ کروں۔ سیدنا عمر بن خطاب ؓ نے کہا: پھر میں سیدنا ابوبکر صدیق ؓ سے ملا اور ان سے کہا: اگر آپ چاہیں تو میں حفصہ‬ ؓ ک‬ا نکاح آپ سے کردوں۔ [صحيح بخاري، حديث نمبر:5129]

حدیث حاشیہ:
(1)
حضرت حفصہ رضی اللہ عنہما شوہر دیدہ تھیں، اس کے باوجود حضرت عمر رضی اللہ عنہ کا حق ولایت ختم نہیں ہوا بلکہ وہی مختلف حضرات کو ان کے ساتھ نکاح کرنے کی پیش کش کرتے ہیں۔
اگر وہ اس کے مجاز نہ ہوتے تو یہ اقدام نہ کرتے۔
(2)
بعض حضرات عقد نکاح کو خرید و فروخت کے معاملے پر قیاس کرتے ہیں۔
ان کا کہنا ہے کہ جیسے بیع کے انعقاد میں محض بیچنے اور خریدنے والے کی رضامندی ہی کافی ہوتی ہے اسی طرح نکاح میں بھی لڑکے اور لڑکی کی رضامندی ہی کافی ہے۔
لیکن یہ قیاس نص کے مقابلے میں ہے جس کی کوئی حیثیت نہیں، اس لیے یہ قیاس باطل اور بے اصل ہے۔
(3)
بہرحال عورت کے نکاح کے لیے سرپرست کی اجازت بنیادی حیثیت رکھتی ہے۔
واضح رہے کہ ولی سے مراد باپ ہے۔
اس کی عدم موجودگی میں دادا، پھر بھائی، اس کے بعد چچا ہے۔
اختلاف کی صورت میں قریبی ولی کو ترجیح ہوگی۔
اگر دونوں ولی برابر حیثیت رکھتے ہوں تو اختلاف کی صورت میں حاکم یا پنچایت کو حق ولایت ہوگا۔
والله اعلم