5277. سیدنا عکرمہ سے روایت ہے انہوں نے یہ واقعہ بیان کیا اس میں خاتون کا نام جمیلہ آیا ہے۔ [صحيح بخاري، حديث نمبر:5277]

حدیث حاشیہ:
1)
امام بخاری رحمہ اللہ نے اس حدیث میں اشارہ کیا ہے کہ جس عورت نے حضرت ثابت بن قیس رضی اللہ عنہ سے خلع لیاتھا اس کا نام جمیلہ ہے۔
بعض روایات سے معلوم ہوتا ہے کہ خلع لینے والی عبداللہ بن ابی کی بیٹی زینب تھی۔
سنن ابن ماجہ کی ایک روایت میں اس کا نام مریم مغالیہ مذکور ہے۔
(سنن ابن ماجة، الطلاق، حدیث: 2058)
صحیح بخاری کی ایک روایت کے مطابق وہ عبداللہ بن ابی کی بہن تھی۔
(صحیح البخاري، الطلاق، حدیث: 5274)
اکثر روایات میں اس کا نام حبیبہ بنت سہل آیا ہے۔
(سنن أبي داود، الطلاق، حدیث: 2227، و سنن النسائي، الطلاق، حدیث: 3493، والموطأ: 564/2)
(2)
ان مختلف روایات سے معلوم ہوتا ہے کہ حضرت ثابت بن قیس رضی اللہ عنہ نے متعدد عورتوں سے شادی کی اور وہ ان سے بذریعہ خلع فارغ ہوئیں۔
(فتح الباري: 494/9)
والله اعلم