6767. میں نے اس حدیث کا ذکر حضرت ابوبکر صدیق ؓ سے کیا تو انہوں نے کہا: اس حدیث کو رسول اللہ ﷺ سے میرے دونوں کانوں نے بھی سنا ہے اور میرے دل نے اس کو محفوظ (یاد) رکھا ہے۔ [صحيح بخاري، حديث نمبر:6767]

حدیث حاشیہ:
(1)
اس حدیث کا پس منظر اس طرح ہے کہ زیاد جو حضرت سمیہ رضی اللہ عنہا کے بطن سے عبید کے فراش پر پیدا ہوا تھا، حضرت امیر معاویہ رضی اللہ عنہ نے سیاسی وجوہات کی بنا پر نسب کے طور پر اسے اپنے ساتھ ملایا اور اپنا بھائی قرار دے دیا تھا اور حضرت ابوبکر رضی اللہ عنہ زیاد کے مادری بھائی تھے۔
ابو عثمان نہدی نے حضرت ابوبکر رضی اللہ عنہ کو اس کے متعلق کہا تو انھوں نے حدیث بیان کی۔
اس وقت کئی صحابۂ کرام رضی اللہ عنہم نے حضرت امیرمعاویہ رضی اللہ عنہ کے اس اقدام پر اعتراض کیا تھا۔
(فتح الباري: 66/12) (2)
اہل علم نے حدیث میں ذکر کردہ وعید کو تہدید پر محمول کیا ہے۔
ہاں جو اسے جائز اور حلال کہتا ہے اس کے کفر میں کوئی شبہ نہیں اور کافروں پر جنت حرام ہے۔
بعض روایات میں ہے کہ جس نے اپنے باپ سے اعراض کیا اس نے کفر کیا۔
اس سے مراد کفران نعمت ہے، یعنی اس نے أبوَّت جیسی عظیم نعمت کا انکار کیا ہے۔
(عمدة القاري: 48/16)