عبد الرحمٰن بن مہدی نے کہا: ہمیں شعبہ نے ابو عمران جونی سے حدیث بیان کی، انھوں نے عبد اللہ بن صامت سے، انھوں نے حضرت ابو ذر رضی اللہ عنہ سے روایت کی، کہا: رسول اللہ صلی اللہ علیہ وسلم نے مجھ سےفرمایا: " اپنی قوم کے پاس جاؤاور (ان سے) کہو کہ رسول اللہ صلی اللہ علیہ وسلم نےفرما یا ہے۔" اسلم کو اللہ تعا لیٰ سلامت رکھے۔" اورغفار کی اللہ تعالیٰ مغفرت فرمائے!
حضرت ابوذر رضی اللہ تعالیٰ عنہ بیان کرتے ہیں،رسول اللہ صلی اللہ علیہ وسلم نے مجھے فرمایا،"اپنی قوم کو جاکرکہو،رسول اللہ صلی اللہ علیہ وسلم نےفرمایا ہے،"اسلم کو اللہ سلامت رکھے اور غفار کی اللہ مغفرت فرمائے۔"
