´بچے کی نماز جنازہ۔`
وائل بن داود کہتے ہیں: میں نے بہی سے سنا وہ کہہ رہے تھے کہ جب نبی اکرم صلی اللہ علیہ وسلم کے صاحبزادے ابراہیم کا انتقال ہوا تو رسول اللہ صلی اللہ علیہ وسلم نے اپنی نشست گاہ میں ان کی نماز جنازہ پڑھی۔ ابوداؤد کہتے ہیں: میں نے سعید بن یعقوب طالقانی پر پڑھا کہ آپ سے حدیث بیان کی ابن مبارک نے انہوں نے یعقوب بن قعقاع سے اور انہوں نے عطاء سے روایت کیا ہے، وہ کہتے ہیں کہ نبی اکرم صلی اللہ علیہ وسلم نے اپنے بیٹے ابراہیم کی نماز جنازہ پڑھی اس وقت وہ ستر دن کے تھے۔ [سنن ابي داود/كتاب الجنائز /حدیث: 3188]

فوائد ومسائل:
یہ روایات ضعیف ہیں۔
صحیح روایات اسی بات کی تایئد کرتی ہیں۔
کہ نبی کریمﷺکے فرزند گرامی ابراہیم کی نماز جنازہ نہیں پڑھی گئی، تفصیل کےلئے دیکھئے۔
(أحکام الجنائز لألباني)