´جذام (کوڑھ) کا بیان۔`
عبداللہ بن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”جذامیوں (کوڑھیوں) کی طرف لگاتار مت دیکھو۔‏‏‏‏“ [سنن ابن ماجه/كتاب الطب/حدیث: 3543]

اردو حاشہ:
فوائد  ومسائل:

(1)
ایسے مریض کو مکمل دیکھنے سے اس کا دل دکھے گا۔
لہٰذا اس سے اجتناب کرنا چاہیے۔

(2)
کسی بھی مصیبت زدہ کو دیکھ کر آہستہ آواز سے یہ دعا پڑھنی چاہیے۔ (اَلْحَمْدُ للهِ الَّذِي عَافَانِي مِمَّا ابْتَلَاكَ بِهِ وَفَضَّلَنِيْ عَلٰي كَثِيْرٍ مِّمَّنْ خَلَقَ تَفْضِيْلاً)
اللہ کا شکر ہے کہ جس نے مجھے اس بیماری سے عافیت میں رکھا۔
جس میں تجھے مبتلا کیا۔
اور اپنے پیدا کئے ہوئے بہت سےلوگوں پر مجھے فضیلت بخشی۔
اس کی برکت سے دعا پڑھنے والا اس بیماری سے محفوظ رہے گا۔ (سنن ابن ماجة، حدیث: 3892)