´جب کسی قوم کا معزز شخص آئے تو اس کی عزت و تکریم کرو۔`
عبداللہ بن عمر رضی اللہ عنہما کہتے ہیں کہ رسول اللہ صلی اللہ علیہ وسلم نے فرمایا: ”جب تمہارے پاس کسی قوم کا کوئی معزز آدمی آئے تو تم اس کا احترام کرو۔‏‏‏‏“ [سنن ابن ماجه/كتاب الأدب/حدیث: 3712]

اردو حاشہ:
فوائد و مسائل:
(1)
مہمان کا اکرام اس کے مقام و مرتبے کے مطابق ہونا چاہیے۔

(2)
غیر مسلم مہمان سے بھی خندہ پیشانی سے ملنا اور اس کی مناسب خاطر تواضع کرنا ضروری ہے لیکن کوئی ایسا کام نہ کیا جائے جس سے اسلام اور مسلمانوں کے شرف و وقار میں کمی ہو۔