2888. حضرت انس بن مالک ؓسے روایت ہے، انھوں نے کہا کہ میں حضرت جریر بن عبداللہ الجلبی ؓ کے ساتھ تھا اور وہ میری بہت خدمت کرتے تھے، حالانکہ عمر کے اعتبار سے، وہ مجھ سے بڑتے تھے۔ حضرت جریر ؓ کا بیان ہے کہ میں نے ہر وقت انصار کو ایک کام کرتےدیکھا ہے، اس لیے ان (انصار) میں سے جب کوئی مجھے ملتا ہے تو میں اس کی عزت و احترام کرتا ہوں۔ [صحيح بخاري، حديث نمبر:2888]

حدیث حاشیہ:
وہ بات یہ تھی کہ انصاری جناب رسول کریم ﷺ سے بہت محبت رکھتے اور آ پﷺ کی بہت تعظیم کرتے تھے۔
معلوم ہوا جوکوئی اللہ اور اس کے رسولﷺ سے محبت رکھے اسکی خدمت کرنا عین سعادت ہے۔
بہ ظاہر اس حدیث کی مطابقت ترجمہ باب سے مشکل ہے‘ عینی نے کہا مسلم کی روایت میں اتنا زیادہ ہے کہ یہ صحبت سفر میں ہوئی اور سفر عام ہے جو جہاد کے سفر کو بھی شامل ہے پس باب سے مطابقت ہو گئی۔

2888. حضرت انس بن مالک ؓسے روایت ہے، انھوں نے کہا کہ میں حضرت جریر بن عبداللہ الجلبی ؓ کے ساتھ تھا اور وہ میری بہت خدمت کرتے تھے، حالانکہ عمر کے اعتبار سے، وہ مجھ سے بڑتے تھے۔ حضرت جریر ؓ کا بیان ہے کہ میں نے ہر وقت انصار کو ایک کام کرتےدیکھا ہے، اس لیے ان (انصار) میں سے جب کوئی مجھے ملتا ہے تو میں اس کی عزت و احترام کرتا ہوں۔ [صحيح بخاري، حديث نمبر:2888]

حدیث حاشیہ:
1۔
وہ بات یہ تھی کہ انصار ہمیشہ رسول اللہ ﷺسے بہت محبت کیاکرتے اور آپ کی ہرطرح سے خدمت بجالاتے تھے۔
2۔
اس سے معلوم ہوا کہ ا گر کوئی اللہ اور اس کے رسول ﷺسے محبت کرتا ہے تواس کی خدمت کرنا عین سعادت ہے۔
صحیح مسلم میں اتنا اضافہ ہے کہ حضرت انس ؓ کی حضرت جریر ؓ کے ساتھ ہم نشینی سفر میں ہوئی اور سفر عام ہے، خواہ جہاد کا ہو یا غیر جہاد کا۔
اس سے امام بخاری ؓ نے دوران جہاد میں خدمت کرنے کی فضیلت کو ثابت کیا ہے۔