الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
کتاب: اوقات نماز کے بیان میں
13. بَابُ وَقْتِ الْعَصْرِ:
13. باب: نماز عصر کے وقت کا بیان۔
حدیث نمبر: 548 |
|
ہم سے عبداللہ بن مسلمہ قعنبی نے بیان کیا، وہ امام مالک رحمہ اللہ علیہ سے، انہوں نے اسحاق بن عبداللہ بن ابی طلحہ سے روایت کیا، انہوں نے انس بن مالک رضی اللہ عنہ سے اس حدیث کو روایت کیا، انہوں نے فرمایا کہ ہم عصر کی نماز پڑھ چکتے اور اس کے بعد کوئی بنی عمرو بن عوف (قباء) کی مسجد میں جاتا تو ان کو وہاں عصر کی نماز پڑھتے ہوئے پاتا۔
تخریج الحدیث کے تحت حدیث کے فوائد و مسائل
حافظ زبير على زئي رحمه الله، فوائد و مسائل، تحت الحديث موطا امام مالك رواية ابن القاسم 83
´نماز عصر کا وقت`
«. . . 122- وبه: عن أنس أنه قال: كنا نصلي العصر ثم يخرج الإنسان إلى بني عمرو بن عوف فيجدهم يصلون العصر. . . .»
”. . . اور اسی سند کے ساتھ سیدنا انس رضی اللہ عنہ سے روایت ہے کہ ہم عصر کی نماز پڑھتے پھر آدمی بنو عمرو بن عوف کی طرف جاتا تو انہیں عصر کی نماز پڑھتے ہوئے پاتا تھا۔ . . .“ [موطا امام مالك رواية ابن القاسم: 83]
تخریج الحدیث:
[وأخرجه البخاري 548، ومسلم 194/621، من حديث مالك به]
تفقه:
① یہ کوئی شرعی مسئلہ نہیں ہے کہ شہر یا گاؤں کی تمام مسجدوں میں ایک ہی وقت نماز پڑھی جائے بلکہ مسئلہ یہ ہے کہ نماز اول وقت پڑھنی چاہئے لہٰذا بعض مسجدوں میں بالکل اول وقت اور بعض میں اس سے تھوڑی دیر بعد نماز ہوسکتی ہے بشرطیکہ سورج خوب بلند اور روشن ہو۔ جان بوجھ کر سورج کے زرد ہونے، غروب کے نزدیک پہنچنے اور مکروہ وقت میں عصر کی نماز پڑھنا غلط کام ہے جس کی ممانعت آئی ہے۔
② رسول اللہ صلی اللہ علیہ وسلم عصر کی نماز بالکل اول وقت پڑھتے تھے۔
③ عصر کا اول وقت ایک مثل پر شروع ہوتا ہے اور دو مثل پر افضل وقت ختم ہوجاتا ہے۔ اس کے بعد مغرب تک کا وقت شرعی عذر پر محمول ہے مثلاً کوئی شخص بھول جائے یا سو جائے وغیرہ۔
④ ائمہ ثلاثہ (مالک، شافعی اور أحمد) اور قاضی ابویوسف ومحمد بن الحسن الشیبانی وغیرہم کے نزدیک عصر کا وقت ایک مثل پر داخل ہوجاتا ہے۔ دیکھئے [الاوسط لابن المنذر 2/329، والكواكب الدري 1/90 حاشيه] اور یہی صحیح ہے۔
⑤ سیدنا ابن عباس رضی اللہ عنہ سے روایت ہے کہ نبی صلی اللہ علیہ وسلم نے فرمایا: جبریل (علیہ السلام) نے بیت اللہ کے قریب مجھے دو دفعہ نماز پڑھائی۔۔۔ پھر انہوں نے عصر کی نماز اس وقت پڑھائی جب ہر چیز کا سایہ اس کے برابر ہو گیا۔ [سنن الترمذي: 149، وقال: ”حديث حسن“ وصححه ابن خزيمه: 352، وابن حبان: 279، وابن الجارود: 149، والحاكم: 1/193، وغيرهم وحسنه النيموي التقليدي فى آثار السنن: 194]
⑥ سیدنا ابوہریرہ رضی اللہ عنہ کا ایک قول ہے کہ ”جب دو مثل ہوجائے تو عصر پڑھ“ اس کا مطلب یہ ہے کہ دو مثل تک عصر کی (افضل) نماز پڑھ سکتے ہو۔ دیکھئے: [التعليق الممجد ص 41 حاشيه: 9] اور [الاوسط لابن المنذر 2/328 ح948 عن عمر رضى الله عنه وسنده صحيح]
⑦ نیز دیکھئے: [ح 132]
«. . . 122- وبه: عن أنس أنه قال: كنا نصلي العصر ثم يخرج الإنسان إلى بني عمرو بن عوف فيجدهم يصلون العصر. . . .»
”. . . اور اسی سند کے ساتھ سیدنا انس رضی اللہ عنہ سے روایت ہے کہ ہم عصر کی نماز پڑھتے پھر آدمی بنو عمرو بن عوف کی طرف جاتا تو انہیں عصر کی نماز پڑھتے ہوئے پاتا تھا۔ . . .“ [موطا امام مالك رواية ابن القاسم: 83]
تخریج الحدیث:
[وأخرجه البخاري 548، ومسلم 194/621، من حديث مالك به]
تفقه:
① یہ کوئی شرعی مسئلہ نہیں ہے کہ شہر یا گاؤں کی تمام مسجدوں میں ایک ہی وقت نماز پڑھی جائے بلکہ مسئلہ یہ ہے کہ نماز اول وقت پڑھنی چاہئے لہٰذا بعض مسجدوں میں بالکل اول وقت اور بعض میں اس سے تھوڑی دیر بعد نماز ہوسکتی ہے بشرطیکہ سورج خوب بلند اور روشن ہو۔ جان بوجھ کر سورج کے زرد ہونے، غروب کے نزدیک پہنچنے اور مکروہ وقت میں عصر کی نماز پڑھنا غلط کام ہے جس کی ممانعت آئی ہے۔
② رسول اللہ صلی اللہ علیہ وسلم عصر کی نماز بالکل اول وقت پڑھتے تھے۔
③ عصر کا اول وقت ایک مثل پر شروع ہوتا ہے اور دو مثل پر افضل وقت ختم ہوجاتا ہے۔ اس کے بعد مغرب تک کا وقت شرعی عذر پر محمول ہے مثلاً کوئی شخص بھول جائے یا سو جائے وغیرہ۔
④ ائمہ ثلاثہ (مالک، شافعی اور أحمد) اور قاضی ابویوسف ومحمد بن الحسن الشیبانی وغیرہم کے نزدیک عصر کا وقت ایک مثل پر داخل ہوجاتا ہے۔ دیکھئے [الاوسط لابن المنذر 2/329، والكواكب الدري 1/90 حاشيه] اور یہی صحیح ہے۔
⑤ سیدنا ابن عباس رضی اللہ عنہ سے روایت ہے کہ نبی صلی اللہ علیہ وسلم نے فرمایا: جبریل (علیہ السلام) نے بیت اللہ کے قریب مجھے دو دفعہ نماز پڑھائی۔۔۔ پھر انہوں نے عصر کی نماز اس وقت پڑھائی جب ہر چیز کا سایہ اس کے برابر ہو گیا۔ [سنن الترمذي: 149، وقال: ”حديث حسن“ وصححه ابن خزيمه: 352، وابن حبان: 279، وابن الجارود: 149، والحاكم: 1/193، وغيرهم وحسنه النيموي التقليدي فى آثار السنن: 194]
⑥ سیدنا ابوہریرہ رضی اللہ عنہ کا ایک قول ہے کہ ”جب دو مثل ہوجائے تو عصر پڑھ“ اس کا مطلب یہ ہے کہ دو مثل تک عصر کی (افضل) نماز پڑھ سکتے ہو۔ دیکھئے: [التعليق الممجد ص 41 حاشيه: 9] اور [الاوسط لابن المنذر 2/328 ح948 عن عمر رضى الله عنه وسنده صحيح]
⑦ نیز دیکھئے: [ح 132]
موطا امام مالک روایۃ ابن القاسم شرح از زبیر علی زئی، حدیث\صفحہ نمبر: 122
الشيخ حافط عبدالستار الحماد حفظ الله، فوائد و مسائل، تحت الحديث صحيح بخاري:548
548. حضرت انس بن مالک ؓ سے روایت ہے، انہوں نے فرمایا: ہم (رسول اللہ ﷺ کے ساتھ) نماز عصر پڑھ لیتے، فراغت کے بعد کوئی شخص قبیلہ عمرو بن عوف تک جاتا تو انہیں وہاں نماز عصر میں مصروف پاتا۔ [صحيح بخاري، حديث نمبر:548]
حدیث حاشیہ:
(1)
امام نووی ؒ قبیلۂ عمرو بن عوف کی مدینے سے دوری اور نماز عصر کو دیر سے ادا کرنے کے متعلق فرماتے ہیں کے قبیلۂ عمرو بن عوف مدینہ طیبہ سے تقریباً دومیل کے فاصلے پرتھا۔
چونکہ وہ اپنے کاموں اور کھیتی باڑی میں مشغول رہتے تھے، اس لیے نماز عصر کو اوسط وقت میں پڑھا کرتے تھے۔
(فتح الباري: 38/2) (2)
یہ حدیث بھی نماز عصر کے اول وقت، یعنی ایک مثل سائے میں پڑھ لینے پر دلالت کرتی ہے، جیسا کہ امام نووی ؒ اس حدیث کے تحت بیان کرتے ہیں کہ یہ حدیث احناف کے خلاف حجت ہے جن کا موقف ہے کہ جب تک کسی چیز کا سایہ دومثل نہ ہو جائے، نماز عصر کاوقت شروع نہیں ہوتا۔
علامہ عینی ؒ اس پر تبصرہ کرتے ہوئے کہتے ہیں کہ ہم اس بات کو تسلیم نہیں کرتے کہ تمام احناف کا یہ موقف ہے۔
صرف اسد بن عمرو، امام ابو حنیفہ ؒ سے یہ موقف بیان کرنے میں منفرد ہے۔
اس کے علاوہ حضرت حسن ان سے روایت کرتے ہیں کہ عصر کا وقت ایک مثل سایہ ہونے پر شروع ہو جاتا ہے۔
یہی قول ابو یوسف، محمد اور زفر کا ہے۔
امام طحاوی ؒ نے بھی اسی کو پسند کیا ہے۔
(عمدة الأحکام: 44/4)
لیکن عصر حاضر میں احناف کا عمل دومثل والے موقف پر ہی ہے۔
(1)
امام نووی ؒ قبیلۂ عمرو بن عوف کی مدینے سے دوری اور نماز عصر کو دیر سے ادا کرنے کے متعلق فرماتے ہیں کے قبیلۂ عمرو بن عوف مدینہ طیبہ سے تقریباً دومیل کے فاصلے پرتھا۔
چونکہ وہ اپنے کاموں اور کھیتی باڑی میں مشغول رہتے تھے، اس لیے نماز عصر کو اوسط وقت میں پڑھا کرتے تھے۔
(فتح الباري: 38/2) (2)
یہ حدیث بھی نماز عصر کے اول وقت، یعنی ایک مثل سائے میں پڑھ لینے پر دلالت کرتی ہے، جیسا کہ امام نووی ؒ اس حدیث کے تحت بیان کرتے ہیں کہ یہ حدیث احناف کے خلاف حجت ہے جن کا موقف ہے کہ جب تک کسی چیز کا سایہ دومثل نہ ہو جائے، نماز عصر کاوقت شروع نہیں ہوتا۔
علامہ عینی ؒ اس پر تبصرہ کرتے ہوئے کہتے ہیں کہ ہم اس بات کو تسلیم نہیں کرتے کہ تمام احناف کا یہ موقف ہے۔
صرف اسد بن عمرو، امام ابو حنیفہ ؒ سے یہ موقف بیان کرنے میں منفرد ہے۔
اس کے علاوہ حضرت حسن ان سے روایت کرتے ہیں کہ عصر کا وقت ایک مثل سایہ ہونے پر شروع ہو جاتا ہے۔
یہی قول ابو یوسف، محمد اور زفر کا ہے۔
امام طحاوی ؒ نے بھی اسی کو پسند کیا ہے۔
(عمدة الأحکام: 44/4)
لیکن عصر حاضر میں احناف کا عمل دومثل والے موقف پر ہی ہے۔
هداية القاري شرح صحيح بخاري، اردو، حدیث\صفحہ نمبر: 548
