سیدنا ابی بن کعب رضی اللہ عنہ سے مروی ہے کہ نبی کریم صلی اللہ علیہ وسلم نے قراءت فرمائی: ” ﴿بِفَضْلِ اللَّهِ وَبِرَحْمَتِهِ فَبِذَلِكَ فَلْتَفْرَحُوا هُوَ خَيْرٌ مِمَّا تَجْمَعُونَ﴾ [سورة يونس: 58] “ یعنی «فَلْتَفْرَحُوا» اور «تَجْمَعُونَ» دونوں صیغہ خطاب کے ساتھ پڑھے، جبکہ حفص کی قراءت میں غیب کے صیغے میں «فَلْيَفْرَحُوا» اور «يَجْمَعُونَ» ہے۔ [سنن ابي داود/كتاب الحروف والقراءات /حدیث: 3981]

عبدالرحمٰن بن ابزی رضی اللہ عنہ سے روایت ہے کہ سیدنا ابی بن کعب رضی اللہ عنہ نے کہا: ” ﴿بِفَضْلِ اللَّهِ وَبِرَحْمَتِهِ فَبِذَلِكَ فَلْتَفْرَحُوا﴾ [سورة يونس: 58] یعنی صیغہ خطاب کے ساتھ، جبکہ ہماری معروف قرآت صیغہ غائب کے ساتھ «فَلْيَفْرَحُوا» ہے۔“ ”کہہ دیجیے کہ اللہ کا فضل اور اس کی مہربانی ہے، چنانچہ اسی پر انہیں خوش ہونا چاہیے۔“ [سنن ابي داود/كتاب الحروف والقراءات /حدیث: 3980]