حضرت انس بن مالک رضی اللہ عنہ سے روایت ہے کہ نبی صلی اللہ علیہ وسلم ایک بیمار کی عیادت کے لیے اس کے پاس تشریف لے گئے، آپ صلی اللہ علیہ وسلم نے فرمایا: ”کیا تمہیں کسی چیز کی خواہش ہے؟ کیا تمہارا جی کیک کھانے کو چاہتا ہے؟“ اس نے کہا: ہاں، چنانچہ اس کے لیے کیک منگوایا گیا۔ [سنن ابن ماجه/كتاب الطب/حدیث: 3441]

حضرت انس بن مالک رضی اللہ عنہ سے روایت ہے، انہوں نے فرمایا: نبی صلی اللہ علیہ وسلم ایک بیمار کے پاس اس کی عیادت کے لیے تشریف لے گئے۔ آپ صلی اللہ علیہ وسلم نے فرمایا: ”تمہارا کسی چیز کو جی چاہتا ہے؟ کیا کعک کی خواہش ہے؟“ اس نے کہا: ”ہاں“، چنانچہ صحابہ رضی اللہ عنہم نے اسے کعک (ایک خاص قسم کی روٹی) منگوا دی۔ [سنن ابن ماجه/كتاب الطب/حدیث: 1440]