تفسیر القران عبدالرحمن کیلانی

تفسیر عبدالرحمٰن کیلانی

سورة ص

وَ قَالُوۡا مَا لَنَا لَا نَرٰی رِجَالًا کُنَّا نَعُدُّہُمۡ مِّنَ الۡاَشۡرَارِ ﴿ؕ۶۲﴾

اور وہ کہیں گے ہمیں کیا ہے کہ ہم ان آدمیوں کو نہیں دیکھ رہے جنھیںہم بد ترین لوگوں میں شمار کرتے تھے۔[62]

تفسیر عبدالرحمٰن کیلانی

62۔ نیز وہ کہیں گے: ”کیا بات ہے کہ ہمیں وہ آدمی نظر نہیں آرہے جنہیں ہم برے لوگوں [62] میں شمار کرتے تھے۔

[62] یہاں برے لوگوں سے مراد وہ کمزور مسلمان ہیں جنہیں سرداران قریش حقیر اور کمتر درجہ کے لوگ سمجھتے تھے اور ان کے ساتھ بیٹھنا بھی گوارا نہیں کرتے تھے اور رسول اللہ صلی اللہ علیہ وسلم سے کہتے تھے کہ اگر لوگوں کو اپنے ہاں سے اٹھا دو۔ تو ہم آپ کی بات توجہ سے سنیں گے۔ اور وہ تھے سیدنا بلال حبشیؓ، صہیب رومیؓ، سلمان فارسیؓ، خباب بن ارتّؓ، عمار بن یاسرؓ اور اسی طرح کے دوسرے مخلص مسلمان۔

Back ⬅️