سیدنا انس بن مالک رضی اللہ عنہ بیان کرتے ہیں: میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے: ”جو شخص کسی عورت کے عزت دار ہونے کی وجہ سے اس کے ساتھ شادی کرے گا، اللہ تعالیٰ اس شخص کی ذلت میں اضافہ کرے گا، جو شخص عورت کے مال کی وجہ سے، اس کے ساتھ شادی کرے گا، اللہ تعالیٰ اس شخص کی غربت میں اضافہ کرے گا، جو شخص عورت کے حسن کی وجہ سے، اس کے ساتھ شادی کرے گا، اللہ تعالیٰ اس کو بے حیثیت کرے گا، اور جو شخص عورت کے ساتھ شادی کرے اور اس کا مقصد صرف یہ ہو کہ وہ اپنی نگاہ کو جھکا کے رکھے، یا اپنی شرمگاہ کی حفاظت کرے، یا صلہ رحمی کرے، تو اللہ تعالیٰ اس شخص کو عورت میں اور اس عورت کو اس شخص میں برکت نصیب کرے گا“۔
یہ روایت امام طبرانی نے معجم اوسط میں نقل کی ہے، اس کی سند میں ایک راوی عبدالسلام بن عبدالقدوس بن حبیب ہے اور وہ ضعیف ہے۔ [مجمع الزاوئد ومنبع الفوائد/كِتَابُ النِّكَاحِ/حدیث: 7324]