(نبی کریم صلی اللہ علیہ وسلم نے فرمایا:)
”تم (علاج کے لیے) دم کر سکتے ہو جب تک کہ اس میں اللہ کے ساتھ شرک نہ ہو۔“ [صحيح الجامع الصغير وزيادته/[حرف الألف] -- أر/حدیث: 906]

(نبی کریم صلی اللہ علیہ وسلم نے فرمایا:)
”تم قربانی کے جانوروں پر حسبِ ضرورت مناسب طریقے سے سواری کر لیا کرو، یہاں تک کہ تمہیں کوئی دوسری سواری مل جائے۔“ [صحيح الجامع الصغير وزيادته/[حرف الألف] -- أر/حدیث: 907]

(نبی کریم صلی اللہ علیہ وسلم نے فرمایا:)
”ان سواری کے جانوروں پر ان کے صحیح سلامت ہونے کی حالت میں سواری کیا کرو اور انہیں صحیح سلامت حالت میں ہی چھوڑا کرو، اور راستوں اور بازاروں میں اپنی گفتگو کے دوران انہیں کرسیاں مت بناؤ (یعنی ان پر بیٹھ کر طویل باتیں نہ کیا کرو)، کیونکہ بسا اوقات جس جانور پر سواری کی جا رہی ہوتی ہے وہ اپنے سوار سے بہتر ہوتا ہے اور اس سے زیادہ اللہ کا ذکر کرنے والا ہوتا ہے۔“ [صحيح الجامع الصغير وزيادته/[حرف الألف] -- أر/حدیث: 908]

(نبی کریم صلی اللہ علیہ وسلم نے فرمایا:)
”ان دو رکعتوں یعنی مغرب کے بعد کی سنتوں کو اپنے گھروں میں ادا کیا کرو۔“ [صحيح الجامع الصغير وزيادته/[حرف الألف] -- أر/حدیث: 909]

(نبی کریم صلی اللہ علیہ وسلم نے فرمایا:)
”جمرہ پر (رمی کے لیے) چٹکی سے پھینکی جانے والی چھوٹی کنکریوں جیسی کنکریاں مارا کرو۔“ [صحيح الجامع الصغير وزيادته/[حرف الألف] -- أر/حدیث: 910]

(نبی کریم صلی اللہ علیہ وسلم نے فرمایا:)
”اے بنو اسماعیل! تیر اندازی کیا کرو، کیونکہ بلاشبہ تمہارے باپ (سیدنا اسماعیل علیہ السلام) بھی بہترین تیر انداز تھے۔“ [صحيح الجامع الصغير وزيادته/[حرف الألف] -- أر/حدیث: 911]

(نبی کریم صلی اللہ علیہ وسلم نے فرمایا:)
”مومنوں کی روحیں سبز رنگ کے پرندوں کے پیٹ میں ہوتی ہیں جو جنت کے درختوں کا پھل کھاتے رہتے ہیں، یہاں تک کہ اللہ تعالیٰ قیامت کے دن ان روحوں کو ان کے جسموں کی طرف لوٹا دے گا۔“ [صحيح الجامع الصغير وزيادته/[حرف الألف] -- أر/حدیث: 912]

(نبی کریم صلی اللہ علیہ وسلم نے فرمایا:)
”مجھے جنت دکھائی گئی تو میں نے اس میں ابوطلحہ کی زوجہ محترمہ کو دیکھا، پھر میں نے اپنے آگے چلنے کی آہٹ سنی تو وہ بلال تھے۔“ [صحيح الجامع الصغير وزيادته/[حرف الألف] -- أر/حدیث: 913]

(نبی کریم صلی اللہ علیہ وسلم نے فرمایا:)
”مجھے میری امت کے کچھ لوگ دکھائے گئے جو سمندر کی سطح پر اس طرح سوار ہو کر سفر کر رہے تھے جیسے بادشاہ اپنے تختوں پر جلوہ افروز ہوتے ہیں۔“ [صحيح الجامع الصغير وزيادته/[حرف الألف] -- أر/حدیث: 914]

(نبی کریم صلی اللہ علیہ وسلم نے فرمایا:)
”مجھے تم دو مرتبہ خواب میں دکھائی گئی ہو۔ ایک فرشتہ تمہیں ریشم کے ایک ٹکڑے میں اٹھا کر لاتا اور کہتا کہ یہ آپ کی بیوی ہیں۔ جب میں اس سے پردہ ہٹاتا تو وہ تم ہی ہوتیں۔ اس پر میں کہتا کہ اگر یہ (خواب) اللہ تعالیٰ کی طرف سے ہے تو وہ اسے ضرور پورا فرمائے گا۔“ [صحيح الجامع الصغير وزيادته/[حرف الألف] -- أر/حدیث: 915]