(نبی کریم صلی اللہ علیہ وسلم نے فرمایا:)
”میں تو سراپا رحمت ہوں جو (اللہ کی طرف سے دنیا والوں کے لیے) ہدیہ کر کے بھیجا گیا ہوں۔“ [صحيح الجامع الصغير وزيادته/[حرف الألف] -- إن ك/حدیث: 2345]

(نبی کریم صلی اللہ علیہ وسلم نے فرمایا:)
”بے شک میں تمہارے لیے باپ کے درجے میں ہوں کہ تمہیں دین (کے آداب) سکھاتا ہوں، لہٰذا جب تم میں سے کوئی قضاءِ حاجت کے لیے جائے تو وہ نہ تو قبلہ کی طرف رخ کرے اور نہ اس کی طرف پیٹھ کرے، اور نہ ہی اپنے دائیں ہاتھ سے استنجا کرے۔“ [صحيح الجامع الصغير وزيادته/[حرف الألف] -- إن ك/حدیث: 2346]

(نبی کریم صلی اللہ علیہ وسلم نے فرمایا:)
”حقیقت میں، میں تو صرف (اللہ کا پیغام) پہنچانے والا ہوں اور ہدایت اللہ ہی دیتا ہے، اور میں تو محض تقسیم کرنے والا ہوں جبکہ عطا کرنے والا (حقیقی ذات) تو اللہ ہی ہے۔“ [صحيح الجامع الصغير وزيادته/[حرف الألف] -- إن ك/حدیث: 2347]

(نبی کریم صلی اللہ علیہ وسلم نے فرمایا:)
”تم سے پہلے لوگوں کو اسی بات نے ہلاک کر دیا کہ جب ان میں سے کوئی معزز (اور بااثر) شخص چوری کرتا تو وہ اسے چھوڑ دیتے تھے، اور جب کوئی کمزور (اور غریب) شخص چوری کرتا تو وہ اس پر حد نافذ کر دیتے تھے۔“ [صحيح الجامع الصغير وزيادته/[حرف الألف] -- إن ك/حدیث: 2348]

(نبی کریم صلی اللہ علیہ وسلم نے فرمایا:)
”مجھے تو بس اس لیے مبعوث کیا گیا ہے تاکہ میں اعلیٰ اخلاق کی تکمیل کر دوں۔“ [صحيح الجامع الصغير وزيادته/[حرف الألف] -- إن ك/حدیث: 2349]

(نبی کریم صلی اللہ علیہ وسلم نے فرمایا:)
”بے شک تم (لوگوں کے لیے) آسانیاں پیدا کرنے والے بنا کر بھیجے گئے ہو، اور تم مشکل میں ڈالنے والے (سختی کرنے والے) بنا کر نہیں بھیجے گئے۔“ [صحيح الجامع الصغير وزيادته/[حرف الألف] -- إن ك/حدیث: 2350]

(نبی کریم صلی اللہ علیہ وسلم نے فرمایا:)
”یقیناً اللہ تعالیٰ نے مجھے (احکام) پہنچانے والا بنا کر بھیجا ہے اور اس نے مجھے (لوگوں کو) مشقت میں ڈالنے والا (یا خوامخواہ سختی کرنے والا) بنا کر نہیں بھیجا۔“ [صحيح الجامع الصغير وزيادته/[حرف الألف] -- إن ك/حدیث: 2351]

(نبی کریم صلی اللہ علیہ وسلم نے فرمایا:)
”تمہارا (دورانِ سفر خیمہ زن ہوتے وقت) گھاٹیوں اور وادیوں میں اس طرح الگ الگ بکھر جانا یقیناً شیطان کی طرف سے ہے۔“ [صحيح الجامع الصغير وزيادته/[حرف الألف] -- إن ك/حدیث: 2352]

(نبی کریم صلی اللہ علیہ وسلم نے فرمایا:)
”قرض کا بہترین بدلہ تو بس (قرض دینے والے کی) تعریف کرنا اور (وقت پر خوش اسلوبی سے) ادائیگی کر دینا ہے۔“ [صحيح الجامع الصغير وزيادته/[حرف الألف] -- إن ك/حدیث: 2353]

(نبی کریم صلی اللہ علیہ وسلم نے فرمایا:)
”(کسی کے گھر داخل ہونے سے قبل) اجازت مانگنے کا حکم تو دراصل نگاہ (کو ناجائز چیز دیکھنے سے بچانے) کی وجہ سے مقرر کیا گیا ہے۔“ [صحيح الجامع الصغير وزيادته/[حرف الألف] -- إن ك/حدیث: 2354]