(نبی کریم صلی اللہ علیہ وسلم نے فرمایا:)
”پہلی گزر چکی امتوں کے مقابلے میں تمہاری (بقائے دنیا کی) مدت بس اتنی ہے جتنا عصر کی نماز سے لے کر سورج غروب ہونے تک کا وقت ہوتا ہے۔ یقیناً تمہاری اور یہود و نصاریٰ کی مثال اس شخص کی سی ہے جس نے کچھ مزدور اجرت پر رکھے اور کہا: کون ہے جو صبح سے لے کر دوپہر تک ایک ایک قیراط (اجرت) پر میرا کام کرے گا؟ تو یہودیوں نے کام کیا۔ پھر اس نے کہا: کون ہے جو دوپہر سے لے کر عصر کی نماز تک ایک ایک قیراط (اجرت) پر میرا کام کرے گا؟ تو عیسائیوں نے کام کیا۔ پھر اس نے کہا: کون ہے جو عصر کی نماز سے لے کر سورج غروب ہونے تک دو دو قیراط (اجرت) پر میرا کام کرے گا؟ تو یہ (کام کرنے والے) تم لوگ ہو۔ اس پر یہود و نصاریٰ غصے میں آ گئے اور کہنے لگے: ہمارا کیا قصور ہے کہ ہم نے کام زیادہ کیا اور ہمیں اجرت کم ملی؟ اس (مالک) نے کہا: کیا میں نے تمہاری طے شدہ اجرت کا حق دینے میں تم پر کوئی ظلم کیا ہے؟ انہوں نے کہا: نہیں۔ تو اس (اللہ) نے فرمایا: یہ میرا فضل ہے، میں جسے چاہتا ہوں عطا کرتا ہوں۔“ [صحيح الجامع الصغير وزيادته/[حرف الألف] -- إن ك/حدیث: 2315]

(نبی کریم صلی اللہ علیہ وسلم نے فرمایا:)
”مجھے اپنی امت پر سب سے زیادہ خطرہ گمراہ کرنے والے پیشواؤں (اور حکمرانوں) کا ہے۔“ [صحيح الجامع الصغير وزيادته/[حرف الألف] -- إن ك/حدیث: 2316]

(نبی کریم صلی اللہ علیہ وسلم نے فرمایا:)
”مجھے اپنے بعد تمہارے بارے میں سب سے زیادہ ڈر اس بات کا ہے کہ تم پر دنیا کی رونق اور اس کی چمک دمک کھول دی جائے گی (اور تم اس کی محبت میں پڑ جاؤ گے)۔ یقیناً بھلائی کے ساتھ برائی نہیں آتی۔ بے شک موسمِ بہار کی روئیدگی (کچی گھاس) میں سے بعض ایسی بھی ہوتی ہیں جو (جانور کو) پیٹ پھلا کر ہلاک کر دیتی ہیں یا ہلاکت کے قریب کر دیتی ہیں، سوائے اس جانور کے جو ہریالی کھاتا ہے، یہاں تک کہ جب اس کی دونوں کوکھیں بھر جاتی ہیں تو وہ سورج کی طرف رخ کر لیتا ہے، پھر گوبر کرتا ہے، پیشاب کرتا ہے اور پھر چرنے لگ جاتا ہے۔ اور بے شک یہ مال سرسبز اور میٹھا ہے۔ کسی مسلمان کے لیے وہ مال کتنا ہی بہترین ساتھی ہے جو اسے مسکین، یتیم اور مسافر کو دے دے۔ پس جس نے اس (مال) کو اس کے حق (یعنی حلال طریقے) کے ساتھ لیا اور اسے اس کے حق (درست جگہ) پر خرچ کیا، تو وہ بہترین مددگار ہے۔ اور جس شخص نے اسے ناحق (حرام طریقے سے) حاصل کیا، تو وہ اس شخص کی طرح ہے جو کھاتا تو رہتا ہے لیکن کبھی سیر نہیں ہوتا، اور یہ (مال) قیامت کے دن اس کے خلاف گواہ ہوگا۔“ [صحيح الجامع الصغير وزيادته/[حرف الألف] -- إن ك/حدیث: 2317]

(نبی کریم صلی اللہ علیہ وسلم نے فرمایا:)
”بے شک میں بنو ہاشم اور بنو مطلب کو ایک ہی چیز (یعنی ایک ہی خاندان) تصور کرتا ہوں، انہوں نے نہ تو دورِ جاہلیت میں ہمارا ساتھ چھوڑا اور نہ ہی اسلام میں (ہمیں تنہا کیا)۔“ [صحيح الجامع الصغير وزيادته/[حرف الألف] -- إن ك/حدیث: 2318]

(نبی کریم صلی اللہ علیہ وسلم نے فرمایا:)
”حقیقی راحت تو اسی شخص نے پائی جسے بخش دیا گیا۔“ [صحيح الجامع الصغير وزيادته/[حرف الألف] -- إن ك/حدیث: 2319]

(نبی کریم صلی اللہ علیہ وسلم نے فرمایا:)
”بے شک اعمال کی مثال برتن جیسی ہے، اگر اس کا نچلا حصہ پاکیزہ (اور درست) ہو تو اس کا بالائی حصہ بھی پاکیزہ ہو جاتا ہے، اور اگر اس کا نچلا حصہ خراب ہو جائے تو بالائی حصہ بھی خراب ہو جاتا ہے۔“ [صحيح الجامع الصغير وزيادته/[حرف الألف] -- إن ك/حدیث: 2320]

(نبی کریم صلی اللہ علیہ وسلم نے فرمایا:)
”امام (امیر یا حکمران) تو ایک ڈھال ہے جس کے پیچھے رہ کر جنگ لڑی جاتی ہے۔“ [صحيح الجامع الصغير وزيادته/[حرف الألف] -- إن ك/حدیث: 2321]

(نبی کریم صلی اللہ علیہ وسلم نے فرمایا:)
”امام (حکمران) تو ایک ڈھال ہے جس کے پیچھے رہ کر جنگ لڑی جاتی ہے اور اس کے ذریعے (دشمن سے) بچاؤ حاصل کیا جاتا ہے۔ پس اگر وہ اللہ سے ڈرنے کا حکم دے اور عدل و انصاف کرے تو اس کے لیے اس (عمل) کا ثواب ہے، اور اگر وہ اس کے علاوہ (کوئی اور) حکم دے تو اس پر اس کا گناہ ہوگا۔“ [صحيح الجامع الصغير وزيادته/[حرف الألف] -- إن ك/حدیث: 2322]

(نبی کریم صلی اللہ علیہ وسلم نے فرمایا:)
”خرید و فروخت تو باہمی رضامندی سے ہی جائز ہے۔“ [صحيح الجامع الصغير وزيادته/[حرف الألف] -- إن ك/حدیث: 2323]

(نبی کریم صلی اللہ علیہ وسلم نے فرمایا:)
”دین تو سراپا خیر خواہی (اور خلوص) کا نام ہے۔“ [صحيح الجامع الصغير وزيادته/[حرف الألف] -- إن ك/حدیث: 2324]