(نبی کریم صلی اللہ علیہ وسلم نے فرمایا:)
”میں جنت میں گیا تو میں نے زید بن عمرو بن نفیل کے لیے دو درجے دیکھے۔“ [صحيح الجامع الصغير وزيادته/حرف الدال/حدیث: 3367]

(نبی کریم صلی اللہ علیہ وسلم نے فرمایا:)
”میں جنت میں گیا تو میں نے اپنے آگے قدموں کی آہٹ سنی، میں نے پوچھا: یہ کیسی آہٹ ہے؟ کہا گیا: یہ غمیصاء بنت ملحان ہیں۔“ [صحيح الجامع الصغير وزيادته/حرف الدال/حدیث: 3368]

(نبی کریم صلی اللہ علیہ وسلم نے فرمایا:)
”میں جنت میں گیا تو میں نے اپنے آگے قدموں کی آہٹ سنی، میں نے پوچھا: یہ کیسی آہٹ ہے؟ کہا گیا: یہ بلال ہیں جو آپ کے آگے چل رہے ہیں۔“ [صحيح الجامع الصغير وزيادته/حرف الدال/حدیث: 3369]

(نبی کریم صلی اللہ علیہ وسلم نے فرمایا:)
”میں جنت میں گیا تو میں نے آہٹ سنی، میں نے پوچھا: یہ کیا ہے؟ کہا گیا: یہ بلال ہیں۔ پھر میں جنت میں گیا تو میں نے آہٹ سنی، میں نے پوچھا: یہ کیا ہے؟ کہا گیا: یہ غمیصاء بنت ملحان ہیں۔“ [صحيح الجامع الصغير وزيادته/حرف الدال/حدیث: 3370]

(نبی کریم صلی اللہ علیہ وسلم نے فرمایا:)
”میں جنت میں گیا تو میں نے اس میں تلاوت کی آواز سنی، میں نے پوچھا: یہ کون ہے؟ کہا گیا: حارثہ بن نعمان۔ (پھر فرمایا:) نیکی (والدین کے ساتھ حسن سلوک) ایسی ہی ہوتی ہے، نیکی ایسی ہی ہوتی ہے!“ [صحيح الجامع الصغير وزيادته/حرف الدال/حدیث: 3371]

(نبی کریم صلی اللہ علیہ وسلم نے فرمایا:)
”جس رات مجھے معراج کرائی گئی، میں جنت میں گیا تو میں نے اس کے ایک جانب سے آواز سنی، میں نے پوچھا: اے جبریل! یہ کیا ہے؟ انہوں نے کہا: یہ بلال مؤذن ہیں۔“ [صحيح الجامع الصغير وزيادته/حرف الدال/حدیث: 3372]

(نبی کریم صلی اللہ علیہ وسلم نے فرمایا:)
”عمرہ قیامت تک حج میں داخل ہو چکا ہے۔“ [صحيح الجامع الصغير وزيادته/حرف الدال/حدیث: 3373]

(نبی کریم صلی اللہ علیہ وسلم نے فرمایا:)
”ایک عورت ایک بلی کی وجہ سے جہنم میں گئی جسے اس نے باندھ رکھا تھا، نہ اسے کھلایا اور نہ اسے چھوڑا کہ وہ زمین کے کیڑے مکوڑے کھا لے، یہاں تک کہ وہ (بلی) مر گئی۔“ [صحيح الجامع الصغير وزيادته/حرف الدال/حدیث: 3374]

(نبی کریم صلی اللہ علیہ وسلم نے فرمایا:)
”ایک درہم سود کا جسے آدمی جانتے بوجھتے کھاتا ہے، اللہ کے نزدیک چھتیس بار زنا کرنے سے بھی زیادہ سخت (گناہ) ہے۔“ [صحيح الجامع الصغير وزيادته/حرف الدال/حدیث: 3375]

(نبی کریم صلی اللہ علیہ وسلم نے فرمایا:)
”دودھ دوہتے وقت تھن میں اتنا دودھ چھوڑ دو جو مزید دودھ اتارنے کا سبب بنے۔“ [صحيح الجامع الصغير وزيادته/حرف الدال/حدیث: 3376]