(نبی کریم صلی اللہ علیہ وسلم نے فرمایا:)
”مجھے صبا (مشرقی ہوا) کے ذریعے مدد دی گئی، اور قومِ عاد دبور (مغربی ہوا) کے ذریعے ہلاک کی گئی۔“ [صحيح الجامع الصغير وزيادته/حرف النون./حدیث: 6762]

(نبی کریم صلی اللہ علیہ وسلم نے فرمایا:)
”اللہ اس شخص کو تروتازہ رکھے جو ہم سے کوئی حدیث سنے اور اسے یاد رکھے یہاں تک کہ وہ اسے کسی اور تک پہنچا دے، کیونکہ بسا اوقات علم کا حامل اسے اپنے سے زیادہ سمجھ دار شخص تک پہنچاتا ہے، اور بسا اوقات علم کا حامل خود اتنا سمجھ دار نہیں ہوتا۔“ [صحيح الجامع الصغير وزيادته/حرف النون./حدیث: 6763]

(نبی کریم صلی اللہ علیہ وسلم نے فرمایا:)
”اللہ اس شخص کو تروتازہ رکھے جو ہم سے کوئی بات سنے اور اسے جیسے سنا ویسے ہی آگے پہنچا دے، کیونکہ بسا اوقات پہنچانے والا سننے والے سے زیادہ اسے یاد رکھنے والا ہوتا ہے۔“ [صحيح الجامع الصغير وزيادته/حرف النون./حدیث: 6764]

(نبی کریم صلی اللہ علیہ وسلم نے فرمایا:)
”اللہ اس بندے کو تروتازہ رکھے جس نے میری بات سنی، اسے یاد رکھا، پھر اسے میری طرف سے آگے پہنچایا، کیونکہ بسا اوقات علم کا حامل خود سمجھ دار نہیں ہوتا اور بسا اوقات علم کا حامل اسے اپنے سے زیادہ سمجھ دار شخص تک پہنچاتا ہے۔“ [صحيح الجامع الصغير وزيادته/حرف النون./حدیث: 6765]

(نبی کریم صلی اللہ علیہ وسلم نے فرمایا:)
”اللہ اس بندے کو تروتازہ رکھے جس نے میری بات سنی، اسے یاد رکھا اور محفوظ کیا، پھر اسے اس تک پہنچایا جس نے اسے نہ سنا ہو، کیونکہ بسا اوقات علم کا حامل خود سمجھ دار نہیں ہوتا اور بسا اوقات علم کا حامل اسے اپنے سے زیادہ سمجھ دار شخص تک پہنچاتا ہے۔ تین چیزیں ایسی ہیں کہ کسی مسلمان کا دل ان میں کجی نہیں کرتا: اللہ کے لیے عمل کو خالص کرنا، مسلمانوں کے حکمرانوں کی خیرخواہی کرنا، اور ان کی جماعت کو لازم پکڑنا، کیونکہ ان کی دعا (اجتماعیت) ان کے پیچھے والوں کو گھیرے رکھتی ہے۔“ [صحيح الجامع الصغير وزيادته/حرف النون./حدیث: 6766]

(نبی کریم صلی اللہ علیہ وسلم نے فرمایا:)
”مرد کا نطفہ سفید اور گاڑھا ہوتا ہے اور عورت کا نطفہ زرد اور پتلا ہوتا ہے، پس دونوں میں سے جو غالب آ جائے، مشابہت اسی کی ہوتی ہے۔۔۔“ [صحيح الجامع الصغير وزيادته/حرف النون./حدیث: 6767]

(نبی کریم صلی اللہ علیہ وسلم نے فرمایا:)
”سرکہ کیا ہی اچھا سالن ہے۔“ [صحيح الجامع الصغير وزيادته/حرف النون./حدیث: 6768]

(نبی کریم صلی اللہ علیہ وسلم نے فرمایا:)
”حج کیا ہی اچھا جہاد ہے۔“ [صحيح الجامع الصغير وزيادته/حرف النون./حدیث: 6769]

(نبی کریم صلی اللہ علیہ وسلم نے فرمایا:)
”ابوبکر کیا ہی اچھے آدمی ہیں، عمر کیا ہی اچھے آدمی ہیں، ابوعبیدہ بن جراح کیا ہی اچھے آدمی ہیں، اسید بن حضیر کیا ہی اچھے آدمی ہیں، ثابت بن قیس بن شماس کیا ہی اچھے آدمی ہیں، معاذ بن جبل کیا ہی اچھے آدمی ہیں، معاذ بن عمرو بن جموح کیا ہی اچھے آدمی ہیں، سہیل بن بیضاء کیا ہی اچھے آدمی ہیں۔“ [صحيح الجامع الصغير وزيادته/حرف النون./حدیث: 6770]

(نبی کریم صلی اللہ علیہ وسلم نے فرمایا:)
”عبداللہ کیا ہی اچھے آدمی ہیں، کاش وہ رات کو تہجد کی نماز پڑھا کرتے۔“ [صحيح الجامع الصغير وزيادته/حرف النون./حدیث: 6771]