(نبی کریم صلی اللہ علیہ وسلم نے فرمایا:)
”اس ذات کی قسم جس کے ہاتھ میں میری جان ہے! کوئی بندہ اس وقت تک مومن نہیں ہوگا جب تک وہ اپنے بھائی کے لیے وہی بھلائی پسند نہ کرے جو اپنے لیے پسند کرتا ہے۔“ [صحيح الجامع الصغير وزيادته/حرف الواو./حدیث: 7085]

(نبی کریم صلی اللہ علیہ وسلم نے فرمایا:)
”اس ذات کی قسم جس کے ہاتھ میں میری جان ہے! کوئی بندہ اس وقت تک مومن نہیں ہوگا جب تک وہ اپنے پڑوسی کے لیے وہی پسند نہ کرے جو اپنے لیے پسند کرتا ہے۔“ [صحيح الجامع الصغير وزيادته/حرف الواو./حدیث: 7086]

(نبی کریم صلی اللہ علیہ وسلم نے فرمایا:)
”۔۔۔ اے لوگو! جس نے میرے چچا کو تکلیف دی اس نے مجھے تکلیف دی، کیونکہ آدمی کا چچا اس کے باپ ہی کی طرح ہوتا ہے۔“ [صحيح الجامع الصغير وزيادته/حرف الواو./حدیث: 7087]

(نبی کریم صلی اللہ علیہ وسلم نے فرمایا:)
”اس ذات کی قسم جس کے ہاتھ میں میری جان ہے! جو بھی اللہ کی راہ میں زخمی ہوتا ہے - اور اللہ ہی بہتر جانتا ہے کہ کون اس کی راہ میں زخمی ہوا - وہ قیامت کے دن اس حال میں آئے گا کہ اس کا زخم بہہ رہا ہوگا، رنگ خون کا ہوگا اور خوشبو مشک کی ہوگی۔“ [صحيح الجامع الصغير وزيادته/حرف الواو./حدیث: 7088]

(نبی کریم صلی اللہ علیہ وسلم نے فرمایا:)
”اللہ کی قسم! تو اللہ کی زمینوں میں سب سے بہتر ہے اور مجھے اللہ کی سب زمینوں سے زیادہ محبوب ہے، اور اگر مجھے تجھ سے نکالا نہ جاتا تو میں کبھی نہ نکلتا۔“ [صحيح الجامع الصغير وزيادته/حرف الواو./حدیث: 7089]

(نبی کریم صلی اللہ علیہ وسلم نے فرمایا:)
”اللہ کی قسم! مجھے امید ہے کہ میں تم سب سے زیادہ اللہ سے ڈرنے والا اور اس بات کا سب سے زیادہ علم رکھنے والا ہوں کہ کن چیزوں سے بچنا ہے۔“ [صحيح الجامع الصغير وزيادته/حرف الواو./حدیث: 7090]

(نبی کریم صلی اللہ علیہ وسلم نے فرمایا:)
”اللہ کی قسم! میں دن میں ستر سے بھی زیادہ مرتبہ «أَسْتَغْفِرُ اللَّهَ وَأَتُوبُ إِلَيْهِ» (میں اللہ سے بخشش مانگتا ہوں اور اس کی طرف رجوع کرتا ہوں) کہتا ہوں۔“ [صحيح الجامع الصغير وزيادته/حرف الواو./حدیث: 7091]

(نبی کریم صلی اللہ علیہ وسلم نے فرمایا:)
”اللہ کی قسم! میں نماز کی حالت میں بچے کے رونے کی آواز سنتا ہوں تو نماز مختصر کر دیتا ہوں، اس خوف سے کہ کہیں اس کی ماں پریشان نہ ہو جائے۔“ [صحيح الجامع الصغير وزيادته/حرف الواو./حدیث: 7092]

(نبی کریم صلی اللہ علیہ وسلم نے فرمایا:)
”اللہ کی قسم! تم میں سے کسی کا اپنی قسم پر اَڑے رہنا اور اپنے گھر والوں سے اس کی وجہ سے الجھے رہنا اللہ کے نزدیک اس سے زیادہ گناہ کی بات ہے کہ وہ وہ کفارہ ادا کر دے جو اللہ نے اس پر فرض کیا ہے۔“ [صحيح الجامع الصغير وزيادته/حرف الواو./حدیث: 7093]

(نبی کریم صلی اللہ علیہ وسلم نے فرمایا:)
”اللہ کی قسم! تیرے ذریعے ایک آدمی کا ہدایت پا جانا تیرے لیے سرخ اونٹوں سے بہتر ہے۔“ [صحيح الجامع الصغير وزيادته/حرف الواو./حدیث: 7094]