حضرت شعبہ رحمہ اللہ فرماتے ہیں کہ میں نے حضرت حکم رحمہ اللہ اور حضرت حماد رحمہ اللہ سے اس بارے میں سوال کیا تو ان دونوں نے مہر سے زیادہ معاوضہ خلع کے لئے لینے کو مکروہ قرار دیا۔ [مصنف ابن ابي شيبه/كتاب الطلاق/حدیث: 19560]

حضرت میمون رحمہ اللہ فرماتے ہیں کہ جس نے اپنی بیوی سے مہر سے زیادہ معاوضہ لیا اس نے احسان کے ساتھ رخصت نہیں کیا۔ [مصنف ابن ابي شيبه/كتاب الطلاق/حدیث: 19561]

حضرت علی رضی اللہ عنہ عورت سے خلع کرتے ہوئے مہر سے زیادہ معاوضہ لینے کو مکروہ سمجھتے تھے۔ [مصنف ابن ابي شيبه/كتاب الطلاق/حدیث: 19562]

حضرت رجاء بن حیوہ رحمہ اللہ سے سوال کیا گیا کہ حسن رحمہ اللہ خلع یافتہ کے بارے میں کیا فرمایا کرتے تھے، انہوں نے فرمایا کہ وہ اس بات کو مکروہ خیال فرماتے تھے کہ مہر سے زیادہ معاوضہ خلع لے۔ [مصنف ابن ابي شيبه/كتاب الطلاق/حدیث: 19563]

حضرت رجاء رحمہ اللہ نے فرمایا کہ حضرت قبیصہ بن ذؤیب رحمہ اللہ فرماتے ہیں کہ اس کے بعد والی آیت پڑھو: اگر تمہیں خوف ہو کہ وہ دونوں اللہ کی حدود پر قائم نہیں رہ سکیں گے تو جو کچھ عورت فدیہ میں دے کر چھٹکارا حاصل کرے اس میں دونوں پر کوئی گناہ نہیں۔ [البقرة: 229] [مصنف ابن ابي شيبه/كتاب الطلاق/حدیث: 19564]