سیدنا عبد اللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”جو شخص اپنے کسی ذی رحم محرم (قریبی رشتہ دار) کا مالک بن جائے تو وہ (خود بخود) آزاد ہے۔“ نیز اسی سند کے ساتھ مروی ہے کہ رسول اللہ صلی اللہ علیہ وسلم نے «الوَلاءِ» (ولاء یعنی آزاد کردہ غلام کی وراثت و تعلق) کی بیع اور اس کے ہبہ سے منع فرمایا۔ میں نے ابوعلی حافظ کو کہتے سنا کہ میں نے دوسرا متن صرف اس لیے ذکر کیا ہے تاکہ راوی ضمرہ کے متعلق (پہلے متن میں) ہونے والا وہم زائل ہو جائے۔
یہ حدیث شیخین کی شرط پر صحیح ہے لیکن انہوں نے اسے روایت نہیں کی، اور اس کی شاہد سیدنا سمرہ بن جندب رضی اللہ عنہ سے مروی صحیح و محفوظ حدیث ہے۔ [المستدرك على الصحيحين/كِتَابُ الْعِتْقِ/حدیث: 2887]