سیدنا ابوہریرہ رضی اللہ عنہ فرماتے ہیں: زمانہ جاہلیت میں میرا نام ” عبدشمس بن صخر “ تھا۔ اسلام میں میرا نام ” عبدالرحمن “ رکھا گیا۔ لوگ مجھے ” ابوہریرہ “ کی کنیت سے پکارتے ہیں اس کی وجہ یہ ہے کہ میں اپنے گھر والوں کی بکریاں چرایا کرتا تھا، میں نے ایک دفعہ جنگلی بلی کے بچے دیکھے، میں نے ان کو اٹھا کر اپنی آستین میں ڈال لیا، جب میں لوٹ کر گھر آیا تو لوگوں نے میری گود میں سے بلی کے بچوں کی آوازیں سنیں، تو پوچھنے لگے: اے ” عبدشمس “ یہ کیا ہے؟ میں نے کہا: یہ بلی کے بچے ہیں، لوگوں نے کہا: تو ” ابوہریرہ “ (بلیوں والا) ہے۔ اس کے بعد یہی کنیت میرے نام کے ساتھ پکی ہو گئی۔ ابن اسحاق کہتے ہیں: سیدنا ابوہریرہ رضی اللہ عنہ قبیلہ دوس کے ثالث تھے کیونکہ وہ انہیں میں رہنا چاہتے تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6265]

سیدنا ابوہریرہ رضی اللہ عنہ فرماتے ہیں: رسول اللہ صلی اللہ علیہ وسلم مجھے ” ابوہر “ کہہ کر پکارا کرتے تھے۔ اور باقی لوگ ” ابوہریرہ “ کہتے تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6266]

ایک دوسری سند کے ہمراہ منقول ہے کہ سیدنا ابوہریرہ رضی اللہ عنہ فرماتے ہیں: رسول اللہ صلی اللہ علیہ وسلم مجھے ” ابوہر “ کہہ کر پکارا کرتے تھے۔ اور باقی لوگ ” ابوہریرہ “ کہتے تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6267]