سیدہ سہلہ رضی اللہ عنہا (زوجہ ابوحذیفہ) سے روایت ہے کہ انہوں نے رسول اللہ صلی اللہ علیہ وسلم کے سامنے ابوحذیفہ کے آزاد کردہ غلام سالم کے اپنے پاس آنے جانے کا تذکرہ کیا، تو رسول اللہ صلی اللہ علیہ وسلم نے انہیں حکم دیا کہ وہ انہیں اپنا دودھ پلا دیں، چنانچہ انہوں نے سالم کو دودھ پلایا جبکہ وہ غزوہ بدر میں شرکت کے بعد ایک مرد بن چکے تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 7076]

ام المومنین سیدہ عائشہ رضی اللہ عنہا سے روایت ہے کہ نبی کریم صلی اللہ علیہ وسلم نے سیدہ سہلہ رضی اللہ عنہا (زوجہ ابوحذیفہ) کو حکم دیا کہ وہ ابوحذیفہ کے آزاد کردہ غلام سالم کو دودھ پلا دیں (اور اس کو اپنا رضاعی بیٹا بنا لو) تاکہ ابوحذیفہ کی غیرت (اور ذہنی پریشانی) دور ہو جائے، چنانچہ انہوں نے انہیں دودھ پلایا جبکہ وہ مرد تھے۔ ربیعہ کہتے ہیں: یہ سالم کے لیے ایک خاص رخصت تھی۔
ام حبیبہ، جن کا نام حمنہ بنت جحش رضی اللہ عنہا ہے، کا تذکرہ۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 7077]