حضرت ام قیس (آمنہ) بنت محصن رضی اللہ عنہا سے روایت ہے، انہوں نے کہا: میں اپنے ایک بچے کو لے کر نبی کریم صلی اللہ علیہ وسلم کی خدمت میں حاضر ہوئی۔ اس کو گلے پڑ گئے تھے اور میں نے انہیں انگلی سے دبایا تھا (جو اس بیماری کا رائج علاج تھا۔) رسول اللہ صلی اللہ علیہ وسلم نے فرمایا: ”تم اس بیماری کا علاج بچوں کا گلا انگلی سے دبا کر کیوں کرتی ہو؟ «الْعُودُ الْهِنْدِيُّ» ”عود ہندی“ استعمال کیا کرو۔ اس میں سات شفائیں ہیں۔ گلے پڑ جانے کی صورت میں ناک میں ٹپکایا جائے، «ذَاتُ الْجَنْبِ» ”ذات الجنب“ کی صورت میں پلایا جائے۔“ [سنن ابن ماجه/كتاب الطب/حدیث: 3462]