0 [المستدرك على الصحيحين/كتاب الأشربة/حدیث: 7383]

0 [المستدرك على الصحيحين/كتاب الأشربة/حدیث: 7384]

7385 - سیدہ عائشہ (رضی اللہ عنہا) بیان کرتی ہیں کہ: رسول اللہ صلی اللہ علیہ وسلم کو مشروبات میں سب سے زیادہ "ٹھنڈا میٹھا" (شربت) پسند تھا۔ یہ حدیث شیخین (امام بخاری و مسلم) کی شرائط پر صحیح ہے لیکن انہوں نے اسے اپنی کتب میں نقل نہیں کیا، کیونکہ معمر سے روایت کرنے والے یمنی راویوں کے پاس یہ حدیث موجود نہیں ہے۔ اور اس کا شاہد ہشام بن عروہ کی اپنے والد سے مروی حدیث ہے: [المستدرك على الصحيحين/كتاب الأشربة/حدیث: 7385]

7386 - سیدہ عائشہ (رضی اللہ عنہا) بیان کرتی ہیں کہ: رسول اللہ صلی اللہ علیہ وسلم کو مشروبات میں سب سے زیادہ "ٹھنڈا میٹھا" (شربت) پسند تھا۔ [المستدرك على الصحيحين/كتاب الأشربة/حدیث: 7386]

عبدالحمید بن صیفی بن صہیب اپنے والد سے، وہ ان کے دادا سے روایت کرتے ہیں کہ رسول اللہ صلی اللہ علیہ وسلم نے ارشاد فرمایا: خبردار! دنیا اور آخرت میں تمام مشروبات کا سردار ” پانی “ ہے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كتاب الأشربة/حدیث: 7387]

سیدنا ابوہریرہ رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: قیامت کے دن بندے سے سب سے پہلے جو حساب لیا جائے گا وہ یہ ہو گا کہ (بندے سے کہا جائے گا) کیا ہم نے تیرے جسم کو صحت نہیں دی تھی؟ اور تجھے ٹھنڈا پانی عطا نہیں کیا تھا؟ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كتاب الأشربة/حدیث: 7388]

ام المومنین سیدہ عائشہ رضی اللہ عنہا فرماتی ہیں کہ رسول اللہ صلی اللہ علیہ وسلم کے لئے کنویں والے گھروں سے ٹھنڈا پانی لایا جاتا تھا۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن انہوں نے اس کو نقل نہیں کیا۔ [المستدرك على الصحيحين/كتاب الأشربة/حدیث: 7389]

سیدنا انس بن مالک رضی اللہ عنہ فرماتے ہیں کہ رسول اللہ صلی اللہ علیہ وسلم پانی پینے کے دوران تین سانس لیا کرتے تھے، اور فرماتے تھے ” اس طریقہ کار سے پینے سے زیادہ سیرابی ہوتی ہے، زیادہ شفاء ملتی ہے، اور زیادہ مفید ہے “۔ سیدنا انس رضی اللہ عنہ فرماتے ہیں: میں بھی پانی پینے کے دوران تین سانس لیتا ہوں۔ ٭٭ یہ حدیث صحیح ہے لیکن شیخین رحمۃ اللہ علیہما نے اس کو اس زیادتی کے ساتھ نقل نہیں کیا۔ تاہم انہوں نے سیدنا ثمامہ کی سیدنا انس رضی اللہ عنہ سے مروی حدیث نقل کی ہے کہ ” (حضور صلی اللہ علیہ وسلم ) پانی پینے کے دوران تین سانس لیا کرتے تھے۔ [المستدرك على الصحيحين/كتاب الأشربة/حدیث: 7390]

سیدنا عبداللہ بن عباس رضی اللہ عنہما فرماتے ہیں کہ رسول اللہ صلی اللہ علیہ وسلم نے برتن میں سانس لینے سے منع فرمایا اور اس مشکیزے کے منہ کے ساتھ منہ لگا کر پینے سے بھی منع فرمایا۔ ٭٭ یہ حدیث امام بخاری رحمۃ اللہ علیہ کے معیار کے مطابق صحیح ہے۔ جبکہ شیخین رحمۃ اللہ علیہما نے یحیی بن ابی کثیر کی عبداللہ ابن ابی قتادہ کے حوالے سے ان کے والد سے ” برتن میں سانس لینے سے ممانعت “ والی حدیث نقل کی ہے۔ [المستدرك على الصحيحين/كتاب الأشربة/حدیث: 7391]

سیدنا ابوہریرہ رضی اللہ عنہ فرماتے ہیں کہ نبی اکرم صلی اللہ علیہ وسلم نے ارشاد فرمایا: تم میں سے کوئی شخص کوئی چیز بھی پیتے وقت برتن میں سانس نہ لے، جب سانس لینا ہو تو برتن منہ سے ہٹا کر سانس لے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ سیدنا عبداللہ ابن ابی قتادہ اپنے والد سے مرفوعاً روایت کرتے ہیں کہ ” جب کوئی چیز پیو تو ایک ہی سانس میں پیو “۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے۔ [المستدرك على الصحيحين/كتاب الأشربة/حدیث: 7392]