🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب مسند أبي يعلى الموصلي اور المعجم الأوسط اردو عربی سرچ سہولت کے ساتھ پیش کر دی گئی ہے۔ News
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مجمع الزاوئد ومنبع الفوائد میں نمبر سے تلاش کل احادیث (18776)
حدیث نمبر لکھیں:
مجمع الزاوئد ومنبع الفوائد میں عربی لفظ/الفاظ تلاش کریں
عربی لفظ / الفاظ لکھیں:
مجمع الزاوئد ومنبع الفوائد میں اردو لفظ/الفاظ تلاش کریں
اردو لفظ / الفاظ لکھیں:
42. بَابُ قِيَامِ رَمَضَانَ .
رمضان کے قیام (یعنی نوافل کا بیان)
اظهار التشكيل
حدیث نمبر: 5020
وَعَنْ جَابِرٍ قَالَ: صَلَّى بِنَا رَسُولُ اللَّهِ صَلَّى اللَّهُ عَلَيْهِ وَسَلَّمَ فِي شَهْرِ رَمَضَانَ ثَمَانَ رَكَعَاتٍ وَأَوْتَرَ، فَلَمَّا كَانَتِ الْقَابِلَةُ اجْتَمَعْنَا فِي الْمَسْجِدِ وَرَجَوْنَا أَنْ يَخْرُجَ إِلَيْنَا، فَلَمْ يَزَلْ فِيهِ حَتَّى أَصْبَحْنَا، ثُمَّ دَخَلْنَا فَقُلْنَا: يَا رَسُولَ اللَّهِ، اجْتَمَعْنَا فِي الْمَسْجِدِ وَرَجَوْنَا أَنْ تُصَلِّيَ بِنَا؟ قَالَ:" إِنِّي خَشِيتُ - أَوْ كَرِهْتُ - أَنْ يُكْتَبَ عَلَيْكُمْ".
رَوَاهُ أَبُو يَعْلَى وَالطَّبَرَانِيُّ فِي الصَّغِيرِ، وَفِيهِ عِيسَى بْنُ جَارِيَةَ ; وَثَّقَهُ ابْنُ حِبَّانَ وَغَيْرُهُ، وَضَعَّفَهُ ابْنُ مَعِينٍ.
سیدنا جابر رضی اللہ عنہ بیان کرتے ہیں: نبی اکرم صلی اللہ علیہ وسلم نے ہمیں رمضان کے مہینے میں آٹھ رکعات پڑھائیں اور وتر ادا کیے جب اگلی رات آئی تو ہم لوگ مسجد میں اکھٹے ہوئے ہمیں یہ امید تھی کہ آپ ہمارے پاس تشریف لائیں گے، لیکن آپ مسلسل گھر میں رہے یہاں تک کہ صبح ہو گئی پھر ہم آپ کی خدمت میں حاضر ہوئے اور ہم نے عرض کی: یا رسول اللہ! ہم مسجد میں اکٹھے ہوئے تھے، اور ہمیں یہ امید تھی کہ آپ ہمیں نماز پڑھائیں گے۔ نبی اکرم صلی اللہ علیہ وسلم نے ارشاد فرمایا: مجھے یہ اندیشہ ہوا (راوی کو شک ہے شاید یہ الفاظ ہیں:) میں نے اس بات کو ناپسند کیا کہ یہ تم پر لازم قرار دے دی جائے۔
یہ روایت امام ابویعلیٰ نے اور امام طبرانی نے معجم صغیر میں نقل کی ہے۔ اس کی سند میں ایک راوی عیسیٰ بن جاریہ ہے، جسے ابن حبان اور دیگر حضرات نے ”ثقہ“ قرار دیا ہے، جبکہ یحیی بن معین نے اسے ”ضعیف“ قرار دیا ہے۔ [مجمع الزاوئد ومنبع الفوائد/كتاب الصيام/حدیث: 5020]
تخریج الحدیث: «اخرجه الطبراني فى المعجم الصغير (525) اخرجه ابو يعلي فى المسند (1802)، أخرجه المعجم الصغير للطبراني برقم: 498، وأخرجه الأوسط في السنن والإجماع والاختلاف برقم: 2587، وأخرجه إتحاف الخيرة المهرة بزوائد المسانيد العشرة برقم: 1723»

الحكم على الحديث:
إسنادہ حسن
مزید تخریج الحدیث شرح دیکھیں
اظهار التشكيل
حدیث نمبر: 5021
وَعَنْ أَنَسٍ أَنَّ النَّبِيَّ صَلَّى اللَّهُ عَلَيْهِ وَسَلَّمَ كَانَ يُصَلِّي بِاللَّيْلِ فِي رَمَضَانَ، فَجَاءَ قَوْمٌ وَصَلَّى، وَكَانَ يُخَفِّفُ، ثُمَّ يَدْخُلُ بَيْتَهُ فَيُصَلِّي، ثُمَّ يَخْرُجُ فَيُخَفِّفُ، فَلَمَّا أَصْبَحَ قَالُوا: يَا رَسُولَ اللَّهِ، قُمْنَا خَلْفَكَ اللَّيْلَةَ، فَكُنْتَ تَدْخُلُ بَيْتَكَ ثُمَّ تَخْرُجُ؟ قَالَ:" إِنَّمَا فَعَلْتُ ذَلِكَ مِنْ أَجْلِكُمْ".
رَوَاهُ الطَّبَرَانِيُّ فِي الْأَوْسَطِ، وَرِجَالُهُ رِجَالُ الصَّحِيحِ.
سیدنا انس رضی اللہ عنہ بیان کرتے ہیں: نبی اکرم صلی اللہ علیہ وسلم رمضان میں رات کے وقت نماز پڑھایا کرتے تھے کچھ لوگ آئے انہوں نے نماز ادا کی نبی اکرم صلی اللہ علیہ وسلم نے مختصر نماز پڑھائی پھر آپ اپنے گھر چلے گئے اور آپ تنہا نماز ادا کرتے رہے پھر آپ نکلے اور آپ نے مختصر نماز پڑھائی اگلے دن صبح لوگوں نے کہا: یا رسول اللہ! ہم نے آپ کے پیچھے گزشتہ رات نماز ادا کی تھی آپ گھر چلے گئے تھے پھر آپ تشریف لائے تھے۔ آپ نے ارشاد فرمایا: میں نے ایسا تم لوگوں کی وجہ سے کیا تھا۔
یہ روایت امام طبرانی نے معجم اوسط میں نقل کی ہے، اور اس کے رجال ”صحیح“ کے رجال ہیں۔ [مجمع الزاوئد ومنبع الفوائد/كتاب الصيام/حدیث: 5021]
تخریج الحدیث: «أخرجه مسند أحمد برقم: 11594، وأخرجه المعجم الأوسط للطبراني برقم: 8204»

الحكم على الحديث:
إسنادہ صحیح
مزید تخریج الحدیث شرح دیکھیں
43. بَابُ الِاعْتِكَافِ .
اعتکاف کا بیان
اظهار التشكيل
حدیث نمبر: 5022
عَنْ أَبِي لَيْلَى قَالَ: رَأَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ اعْتَكَفَ فِي قُبَّةٍ مِنْ خُوصٍ.
رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَفِيهِ عَلِيُّ بْنُ عَابِسٍ، وَهُوَ ضَعِيفٌ.
سیدنا ابولیلی رضی اللہ عنہ بیان کرتے ہیں: میں نے نبی اکرم صلی اللہ علیہ وسلم کو دیکھا آپ نے کھجور کے پتوں سے بنے ہوئے خیمے میں اعتکاف کیا تھا۔
یہ روایت امام طبرانی نے معجم کبیر اور معجم اوسط میں نقل کی ہے۔ اس کی سند میں ایک راوی علی بن عابس ہے، اور وہ ضعیف ہے۔ [مجمع الزاوئد ومنبع الفوائد/كتاب الصيام/حدیث: 5022]
تخریج الحدیث: «اخرجه الطبراني فى المعجم الكبير (6422) اخرجه احمد فى المسند (348/4)، أخرجه مسند أحمد برقم: 18583، وأخرجه المعجم الكبير للطبراني برقم: 6422»

الحكم على الحديث:
إسناده ضعیف
مزید تخریج الحدیث شرح دیکھیں
44. بَابُهَا مِنْ حَصِيرٍ، وَالنَّاسُ فِي الْمَسْجِدِ .
اعتکاف کا بیان
اظهار التشكيل
حدیث نمبر: 5023
وَعَنْ مُعَيْقِيبٍ قَالَ: اعْتَكَفَ رَسُولُ اللَّهِ صَلَّى اللَّهُ عَلَيْهِ وَسَلَّمَ فِي قُبَّةٍ مِنْ خُوصٍ بَابُهَا مِنْ حَصِيرٍ، وَالنَّاسُ فِي الْمَسْجِدِ.
رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَفِيهِ النَّضْرُ بْنُ سَعِيدٍ الْبَهَرْتِيرِيُّ ; وَلَمْ أَجِدْ مَنْ تَرْجَمَهُ.
سیدنا معیقیب رضی اللہ عنہ بیان کرتے ہیں: نبی اکرم صلی اللہ علیہ وسلم نے کھجور کے پتوں سے بنے ہوئے خیمے میں اعتکاف کیا تھا، جس کے دروازے پر چٹائی لگی ہوئی تھی اور لوگ مسجد میں موجود تھے۔
یہ روایت امام طبرانی نے معجم کبیر اور معجم اوسط میں نقل کی ہے۔ اس کی سند میں ایک راوی نضر بن سعید بہر تیری ہے میں نے کسی کو اس کے حالات بیان کرتے ہوئے نہیں پایا ہے۔ [مجمع الزاوئد ومنبع الفوائد/كتاب الصيام/حدیث: 5023]
تخریج الحدیث: «اخرجه الطبراني فى المعجم الكبير (352/20) اخرجه الطبراني فى المعجم الصغير (411)، أخرجه المعجم الصغير للطبراني برقم: 385»

الحكم على الحديث:
إسناده ضعیف
مزید تخریج الحدیث شرح دیکھیں
اظهار التشكيل
حدیث نمبر: 5024
وَعَنْ أُمِّ سَلَمَةَ أَنَّ النَّبِيَّ صَلَّى اللَّهُ عَلَيْهِ وَسَلَّمَ اعْتَكَفَ أَوَّلَ سَنَةٍ الْعَشْرَ الْأُوَلَ، ثُمَّ اعْتَكَفَ الْعَشْرَ الْوُسْطَى، ثُمَّ اعْتَكَفَ الْعَشْرَ الْأَوَاخِرَ وَقَالَ:" إِنِّي رَأَيْتُ لَيْلَةَ الْقَدْرِ فِيهَا فَأُنْسِيتُهَا". فَلَمْ يَزَلْ رَسُولُ اللَّهِ صَلَّى اللَّهُ عَلَيْهِ وَسَلَّمَ يَعْتَكِفُ فِيهِنَّ حَتَّى تُوُفِّيَ صَلَّى اللَّهُ عَلَيْهِ وَسَلَّمَ.
رَوَاهُ الطَّبَرَانِيُّ فِي الْكَبِيرِ، وَإِسْنَادُهُ حَسَنٌ.
سیدہ ام سلمہ رضی اللہ عنہا بیان کرتی ہیں: نبی اکرم صلی اللہ علیہ وسلم نے پہلے سال پہلے عشرے میں اعتکاف کیا، پھر آپ نے درمیانی عشرے میں اعتکاف کیا، پھر آپ نے آخری عشرے میں اعتکاف کیا آپ نے ارشاد فرمایا: میں نے شب قدر کو اس عشرے میں دیکھا تھا پھر وہ مجھے بھلا دی گئی اس کے بعد آپ صلی اللہ علیہ وسلم مسلسل اپنے وصال فرمانے تک آخری عشرے میں ہی اعتکاف کرتے رہے۔
یہ روایت امام طبرانی نے معجم کبیر میں نقل کی ہے، اور اس کی سند حسن ہے۔ [مجمع الزاوئد ومنبع الفوائد/كتاب الصيام/حدیث: 5024]
تخریج الحدیث: «اخرجه الطبراني فى المعجم الكبير (412/23)»

الحكم على الحديث:
إسنادہ حسن
مزید تخریج الحدیث شرح دیکھیں
اظهار التشكيل
حدیث نمبر: 5025
وَعَنْ حُسَيْنِ بْنِ عَلِيٍّ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ:" اعْتِكَافٌ [ عَشْرٍ ] فِي رَمَضَانَ كَحَجَّتَيْنِ وَعُمْرَتَيْنِ".
رَوَاهُ الطَّبَرَانِيُّ فِي الْكَبِيرِ، وَفِيهِ عُيَيْنَةُ بْنُ عَبْدِ الرَّحْمَنِ الْقُرَشِيُّ، وَهُوَ مَتْرُوكٌ.
سیدنا امام حسین بن علی رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ”رمضان میں ایک عشرے کا اعتکاف دو مرتبہ حج کرنے اور دو مرتبہ عمرہ کرنے کی مانند ہے“۔
یہ روایت امام طبرانی نے معجم کبیر میں نقل کی ہے۔ اس کی سند میں ایک راوی عیینہ بن عبدالرحمن قرشی ہے، اور وہ متروک ہے۔ [مجمع الزاوئد ومنبع الفوائد/كتاب الصيام/حدیث: 5025]
تخریج الحدیث: «اخرجه الطبراني فى المعجم الكبير (2888)، أخرجه المعجم الكبير للطبراني برقم: 2888»

الحكم على الحديث:
ضعیف جداً
مزید تخریج الحدیث شرح دیکھیں
اظهار التشكيل
حدیث نمبر: 5026
وَعَنْ أَبِي وَائِلٍ قَالَ: قَالَ حُذَيْفَةُ لِعَبْدِ اللَّهِ بْنِ مَسْعُودٍ: قَوْمٌ عُكُوفٌ بَيْنَ دَارِكَ وَدَارِ أَبِي مُوسَى أَلَا تَنْهَاهُمْ؟ فَقَالَ لَهُ عَبْدُ اللَّهِ: فَلَعَلَّهُمْ أَصَابُوا وَأَخْطَأْتُ، وَحَفِظُوا وَنَسِيتُ؟ فَقَالَ حُذَيْفَةُ: (أَمَّا أَنَا فَقَدْ عَلِمْتُ بِأَنَّهُ) لَا اعْتِكَافَ إِلَّا فِي هَذِهِ الْمَسَاجِدِ الثَّلَاثَةِ مَسْجِدِ الْمَدِينَةِ، وَمَسْجِدِ مَكَّةَ، وَمَسْجِدِ إِيلِيَاءَ.
رَوَاهُ الطَّبَرَانِيُّ فِي الْكَبِيرِ، وَرِجَالُهُ رِجَالُ الصَّحِيحِ.
ابووائل بیان کرتے ہیں: سیدنا حذیفہ رضی اللہ عنہ نے سیدنا عبداللہ بن مسعود رضی اللہ عنہ سے کہا: کچھ لوگ آپ کے گھر اور سیدنا ابوموسیٰ رضی اللہ عنہ کے گھر کے درمیان (موجود مسجد میں) اعتکاف کرتے ہیں کیا آپ ان لوگوں کو منع نہیں کرتے ہیں؟ تو سیدنا عبداللہ رضی اللہ عنہ نے ان سے کہا: ہو سکتا ہے کہ وہ لوگ ٹھیک ہوں اور میں غلطی پر ہوں انہیں بات یاد ہو، اور میں بھول گیا ہوں تو سیدنا حذیفہ رضی اللہ عنہ نے فرمایا: جہاں تک میری بات ہے، تو میں تو یہ بات جانتا ہوں کہ اعتکاف صرف ان تین مساجد میں کیا جا سکتا ہے مسجد مدینہ، مسجد مکہ اور مسجد ایلیاء میں۔
یہ روایت امام طبرانی نے معجم کبیر میں نقل کی ہے، اور اس کے رجال ”صحیح“ کے رجال ہیں۔ [مجمع الزاوئد ومنبع الفوائد/كتاب الصيام/حدیث: 5026]
تخریج الحدیث: «اخرجه الطبراني فى المعجم الكبير (9511)»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 5027
وَفِي رِوَايَةٍ: فَقَالَ حُذَيْفَةُ: أَمَّا أَنَا فَقَدْ عَلِمْتُ أَنَّهُ لَا اعْتِكَافَ إِلَّا فِي مَسْجِدِ جَمَاعَةٍ.
وَإِسْنَادُهَا مُرْسَلٌ.
ایک روایت میں یہ الفاظ ہیں: تو سیدنا حذیفہ رضی اللہ عنہ نے کہا: جہاں تک میرا تعلق ہے، تو میں یہ بات جانتا ہوں کہ اعتکاف صرف با جماعت نماز والی مسجد میں ہو سکتا ہے۔ اس روایت کی سند ”مرسل“ ہے۔ [مجمع الزاوئد ومنبع الفوائد/كتاب الصيام/حدیث: 5027]
تخریج الحدیث: «اخرجه الطبراني فى المعجم الكبير (9509)»

الحكم على الحديث:
إسناده مرسل
مزید تخریج الحدیث شرح دیکھیں
اظهار التشكيل
حدیث نمبر: 5028
وَعَنْ إِبْرَاهِيمَ قَالَ: جَاءَ حُذَيْفَةُ إِلَى عَبْدِ اللَّهِ فَقَالَ: أَلَا أَعْجَبُ مِنْ نَاسٍ عُكُوفٍ بَيْنَ دَارِكَ وَدَارِ الْأَشْعَرِيِّ؟! فَقَالَ عَبْدُ اللَّهِ: فَلَعَلَّهُمْ أَصَابُوا وَأَخْطَأْتُ؟ فَقَالَ حُذَيْفَةُ: مَا أُبَالِي أَفِيهِ أَعْتَكِفُ أَمْ فِي بُيُوتِكُمْ هَذِهِ، وَإِنَّمَا الِاعْتِكَافُ فِي هَذِهِ الْمَسَاجِدِ الثَّلَاثَةِ مَسْجِدِ الْحَرَامِ، وَمَسْجِدِ الْمَدِينَةِ، وَمَسْجِدِ الْأَقْصَى.
وَكَانَ الَّذِينَ اعْتَكَفُوا فَعَابَ عَلَيْهِمْ حُذَيْفَةُ فِي مَسْجِدِ الْكُوفَةِ الْأَكْبَرِ.
رَوَاهُ الطَّبَرَانِيُّ فِي الْكَبِيرِ، وَإِبْرَاهِيمُ لَمْ يُدْرِكْ حُذَيْفَةَ.
ابراہیم بیان کرتے ہیں: سیدنا حذیفہ رضی اللہ عنہ سیدنا عبداللہ رضی اللہ عنہ کے پاس آئے اور بولے: کیا میں ان لوگوں پر حیرانگی کا اظہار نہ کروں جو آپ کے اور اشعری کے گھر کے درمیان اعتکاف کرتے ہیں سیدنا عبداللہ رضی اللہ عنہ نے کہا: ہو سکتا ہے کہ وہ لوگ ٹھیک ہوں اور میں غلطی پر ہوں سیدنا حذیفہ رضی اللہ عنہ نے فرمایا: میں تو اس بات کی پرواہ نہیں کرتا کہ کیا میں وہاں اعتکاف کرتا ہوں یا آپ لوگوں کے گھروں میں کر لیتا ہوں اعتکاف صرف ان تین مساجد میں کیا جا سکتا ہے مسجد حرام مسجد مدینہ اور مسجد اقصیٰ میں۔ راوی بیان کرتے ہیں: وہ لوگ جن پر سیدنا حذیفہ رضی اللہ عنہ نے اعتراض کیا تھا یہ وہ لوگ تھے جنہوں نے کوفہ کی سب سے بڑی مسجد میں اعتکاف کیا ہوا تھا۔
یہ روایت امام طبرانی نے معجم کبیر میں نقل کی ہے۔ ابراہیم نامی راوی نے سیدنا حذیفہ رضی اللہ عنہ کا زمانہ نہیں پایا ہے۔ [مجمع الزاوئد ومنبع الفوائد/كتاب الصيام/حدیث: 5028]
تخریج الحدیث: «اخرجه الطبراني فى المعجم الكبير (9510)»

الحكم على الحديث:
إسناده منقطع
مزید تخریج الحدیث شرح دیکھیں
45. بَابٌ فِي الْعَشْرِ الْأَوَاخِرِ .
آخری عشرے کا بیان
اظهار التشكيل
حدیث نمبر: 5029
عَنْ أَنَسٍ قَالَ: كَانَ النَّبِيُّ صَلَّى اللَّهُ عَلَيْهِ وَسَلَّمَ إِذَا دَخَلَ الْعَشْرُ الْأَوَاخِرُ طَوَى فِرَاشَهُ وَاعْتَزَلَ النِّسَاءَ، وَجَعَلَ عَشَاءَهُ سَحُورًا.
رَوَاهُ الطَّبَرَانِيُّ فِي الْأَوْسَطِ، وَفِيهِ حَفْصُ بْنُ وَاقِدٍ الْبَصْرِيُّ، قَالَ ابْنُ عَدِيٍّ: لَهُ أَحَادِيثُ مُنْكَرَةٌ.
سیدنا انس رضی اللہ عنہ بیان کرتے ہیں: نبی اکرم صلی اللہ علیہ وسلم کا یہ معمول تھا کہ جب آخری عشرہ داخل ہو جاتا تھا، تو آپ اپنے بچھونے کو لپیٹ دیتے تھے خواتین سے علیحدگی اختیار کرتے تھے، اور اپنے رات کے کھانے کو سحری کے وقت کر دیتے تھے۔
یہ روایت امام طبرانی نے معجم اوسط میں نقل کی ہے۔ اس کی سند میں ایک راوی حفص بن واقد بصری ہے۔ ابن عدی کہتے ہیں: اس کے حوالے سے منکر احادیث منقول ہیں۔ [مجمع الزاوئد ومنبع الفوائد/كتاب الصيام/حدیث: 5029]
تخریج الحدیث: «أخرجه المعجم الأوسط للطبراني برقم: 5649»

الحكم على الحديث:
إسناده ضعیف
مزید تخریج الحدیث شرح دیکھیں