«وَعَنْ» اور سے – «أَبِي أَيُّوبَ الْأَنْصَارِيِّ» ابو ایوب انصاری – «رَضِيَ اللَّهُ عَنْهُ» اللہ ان سے راضی ہو – «أَنَّ» کہ – «رَسُولَ اللَّهِ» اللہ کے رسول – «صَلَّى اللَّهُ عَلَيْهِ وَآلِهِ وَسَلَّمَ» اللہ کی رحمت ہو ان پر اور ان کی آل پر سلامتی ہو – «قَالَ» نے فرمایا: – «مَنْ صَامَ» جس نے روزے رکھے – «رَمَضَانَ» رمضان کے – «ثُمَّ أَتْبَعَهُ» پھر اس کے پیچھے لگائے – «سِتًّا» چھ (روزے) – «مِنْ شَوَّالٍ» شوال کے – «كَانَ» تو یہ ہوگا – «كَصِيَامِ» روزے رکھنے کی طرح – «الدَّهْرِ» پورے زمانے (سال) کے۔ – «رَوَاهُ» اسے روایت کیا – «مُسْلِمٌ» مسلم نے۔
اور سیدنا ابو ایوب انصاری رضی اللہ عنہ سے روایت ہے کہ رسول اللہ صلی اللہ علیہ وآلہ وسلم نے فرمایا: ”جس نے رمضان کے روزے رکھے، پھر اس کے بعد شوال کے چھ روزے رکھے تو یہ پورے سال (ہمیشہ) روزے رکھنے کی طرح ہے۔“ اسے مسلم نے روایت کیا ہے۔ [بلوغ المرام/حدیث: 553]