«وَعَنْ» اور سے – «أَبِي سَعِيدٍ الْخُدْرِيِّ» ابو سعید خدری – «رَضِيَ اللَّهُ عَنْهُ» اللہ ان سے راضی ہو – «أَنَّ» کہ – «النَّبِيَّ» نبی – «صَلَّى اللَّهُ عَلَيْهِ وَآلِهِ وَسَلَّمَ» اللہ کی رحمت ہو ان پر اور ان کی آل پر سلامتی ہو – «قَالَ» نے فرمایا: – «مَنِ اسْتَأْجَرَ» جو اجرت پر رکھے – «أَجِيرًا» کسی مزدور کو – «فَلْيُسَمِّ لَهُ» تو اسے چاہیے کہ اس کے لیے مقرر کر دے – «أُجْرَتَهُ» اس کی اجرت۔ – «رَوَاهُ» اسے روایت کیا – «عَبْدُ الرَّزَّاقِ» عبدالرزاق نے – «وَفِيهِ انْقِطَاعٌ» اور اس میں انقطاع ہے – «وَوَصَلَهُ» اور اسے موصول بیان کیا – «الْبَيْهَقِيُّ» بیہقی نے – «مِنْ طَرِيقِ» کے طریق سے – «أَبِي حَنِيفَةَ» ابو حنیفہ۔
اور سیدنا ابو سعید خدری رضی اللہ عنہ سے روایت ہے کہ نبی صلی اللہ علیہ وآلہ وسلم نے فرمایا: ”جو شخص کسی مزدور کو اجرت پر رکھے تو اسے چاہیے کہ اس کی مزدوری (پہلے) مقرر کر دے۔“ اسے عبدالرزاق نے روایت کیا ہے اور اس (کی سند) میں انقطاع ہے، اور بیہقی نے اسے ابو حنیفہ کے طریق سے موصول بیان کیا ہے۔ [بلوغ المرام/حدیث: 775]