🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب مسند أبي يعلى الموصلي اور المعجم الأوسط اردو عربی سرچ سہولت کے ساتھ پیش کر دی گئی ہے۔ News
صحيح مسلم سے متعلقہ
تمام کتب
ترقیم شاملہ
ترقيم عبدالباقی
عربی
اردو
حدیث کتب میں نمبر سے حدیث تلاش کریں:

ترقیم شاملہ سے تلاش کل احادیث (7563)
حدیث نمبر لکھیں:
ترقیم فواد عبدالباقی سے تلاش کل احادیث (3033)
حدیث نمبر لکھیں:
حدیث میں عربی لفظ/الفاظ تلاش کریں
عربی لفظ / الفاظ لکھیں:
حدیث میں اردو لفظ/الفاظ تلاش کریں
اردو لفظ / الفاظ لکھیں:
2. باب تَحْرِيمِ تَخْلِيلِ الْخَمْرِ:
باب: شراب کا سرکہ بنانا حرام ہے۔
اظهار التشكيل
ترقیم عبدالباقی: 1983 ترقیم شاملہ: -- 5140
حَدَّثَنَا يَحْيَي بْنُ يَحْيي ، أَخْبَرَنَا عَبْدُ الرَّحْمَنِ بْنُ مَهْدِيٍّ . ح وحَدَّثَنَا زُهَيْرُ بْنُ حَرْبٍ ، حَدَّثَنَا عَبْدُ الرَّحْمَنِ ، عَنْ سُفْيَانَ ، عَنْ السُّدِّيِّ ، عَنْ يَحْيَي بْنِ عَبَّادٍ ، عَنْ أَنَسٍ " أَنَّ النَّبِيَّ صَلَّى اللَّهُ عَلَيْهِ وَسَلَّمَ سُئِلَ عَنِ الْخَمْرِ تُتَّخَذُ خَلًّا، فَقَالَ: لَا ".
حضرت انس رضی اللہ عنہ سے روایت ہے کہ نبی کریم صلی اللہ علیہ وسلم سے شراب کو سرکہ بنانے کے متعلق سوال کیا گیا تو آپ نے فرمایا: ”نہیں۔“ [صحيح مسلم/كتاب الأشربة/حدیث: 5140]
حضرت انس رضی اللہ عنہ بیان کرتے ہیں کہ نبی اکرم صلی اللہ علیہ وسلم سے دریافت کیا گیا: کیا «خَمْر» کو سرکہ بنا لیا جائے؟ آپ صلی اللہ علیہ وسلم نے فرمایا: ”نہیں۔“ [صحيح مسلم/كتاب الأشربة/حدیث: 5140]
ترقیم فوادعبدالباقی: 1983
تخریج الحدیث: «أحاديث صحيح مسلم كلها صحيحة»

الحكم على الحديث:
أحاديث صحيح مسلم كلها صحيحة


الرواة الحديث:
اسم الشهرة
الرتبة عند ابن حجر/ذهبي
أحاديث
👤←👥أنس بن مالكصحابي مشهور
👤←👥يحيى بن عباد بن شيبان الأنصاري
Newيحيى بن عباد بن شيبان الأنصاري ← أنس بن مالك
ثقة
👤←👥السدي الكبير
Newالسدي الكبير ← يحيى بن عباد بن شيبان الأنصاري
صدوق ، يهم ، ورمي بالتشيع
👤←👥سفيان الثوري
Newسفيان الثوري ← السدي الكبير
ثقة حافظ , فقيه عابد ، إمام حجة
👤←👥عبد الرحمن بن مهدي
Newعبد الرحمن بن مهدي ← سفيان الثوري
ثقة ثبت حافظ ، عارف بالرجال والحديث
👤←👥زهير بن حرب
Newزهير بن حرب ← عبد الرحمن بن مهدي
ثقة ثبت
👤←👥عبد الرحمن بن مهدي
Newعبد الرحمن بن مهدي ← زهير بن حرب
ثقة ثبت حافظ ، عارف بالرجال والحديث
👤←👥يحيى بن يحيى الحنظلي
Newيحيى بن يحيى الحنظلي ← عبد الرحمن بن مهدي
ثقة ثبت إمام .
تخريج الحديث:
کتاب
نمبر
مختصر عربی متن
صحيح مسلم
5140
الخمر تتخذ خلا فقال لا
جامع الترمذي
1294
أيتخذ الخمر خلا قال لا
بلوغ المرام
22
سئل رسول الله صلى الله عليه وآله وسلم عن الخمر: تتخذ خلا؟ فقال: لا
صحیح مسلم کی حدیث نمبر 5140 کے فوائد و مسائل
الشيخ الحديث مولانا عبدالعزيز علوي حفظ الله، فوائد و مسائل، تحت الحديث ، صحيح مسلم: 5140
حدیث حاشیہ:
فوائد ومسائل:
اس حدیث کی رو سے جمہور فقہاء،
امام شافعی،
احمد،
مالک وغیرہم کے نزدیک شراب سے سرکہ بنانا جائز نہیں ہے،
ہاں اگر خود بخود بن جائے تو بالاتفاق جائز ہے،
لیکن امام ابو حنیفہ اور اوزاعی کے نزدیک شراب سے سرکہ بنانا جائز ہے اور اس کے لیے اس حدیث سے استدلال کرتے ہیں،
جس کا معنی دو احتمال رکھتا ہے،
مثلا ”خير خلكم خل خمركم“ تمہارا بہترین سرکہ،
تمہارے شراب کا سرکہ ہے،
اس کا صحیح معنی تو یہ ہے،
جب وہ خود بخود سرکہ بن جائے،
تاکہ دونوں حدیثوں میں تضاد نہ ہو۔
(حالانکہ اس حدیث کو ابن جوزی اور صنعانی نے موضوع قرار دیا ہے)
[تحفۃ المسلم شرح صحیح مسلم، حدیث/صفحہ نمبر: 5140]

تخریج الحدیث کے تحت دیگر کتب سے حدیث کے فوائد و مسائل
علامه صفي الرحمن مبارك پوري رحمه الله، فوائد و مسائل، تحت الحديث بلوغ المرام 22
شراب کا سرکہ بنانا حرام ہے
«. . . سئل رسول الله صلى الله عليه وآله وسلم عن الخمر: تتخذ خلا؟ فقال: لا . . .»
”. . . رسول اللہ صلی اللہ علیہ وسلم سے شراب سے سرکہ بنانے کے بارے میں دریافت کیا گیا تو آپ صلی اللہ علیہ وسلم نے ایسا کرنے سے منع فرمایا . . .“ [بلوغ المرام/كتاب الطهارة: 22]
لغوی تشریح:
«عَنِ الْخَمْرِ» یعنی حرمت شراب کے بعد شراب سے سرکہ بنانے کے بارے میں دریافت کیا گیا۔
«خَلّ» ”خا“ کے فتحہ اور ”لام“ کی تشدید کے ساتھ ہے اور اس کے معنی شراب یا انگور وغیرہ کے شیرے سے تیار کردہ سرکے کے ہیں، یعنی کیا شراب کی صورت تبدیل کر کے سرکہ بنا لینا جائز ہے یا نہیں؟ «قَالَ: ”لَا“» اس کے جواب میں آپ صلی اللہ علیہ و سلم نے فرمایا کہ ایسا کرنا جائز نہیں۔ اس میں نہی تحریم کے لیے ہے۔

فوائد و مسائل:
➊ اس میں یہ دلیل پائی جاتی ہے کہ شراب کا سرکہ بنانا حرام ہے، البتہ جب شراب خود بخود سرکہ بن جائے تو اس کے جواز اور حرمت کے بارے میں فقہاء کے درمیان اختلاف ہے۔ صحیح یہ ہے کہ ایسی صورت میں اس کی حرمت پر کوئی واضح دلیل نہیں۔ اور یہ حقیقت معلوم ہے کہ ایک چیز کی حالت کے بدلنے سے اس کا حکم بھی تبدیل ہو جاتا ہے۔ اور اشیاء میں اصل جواز ہے۔ اور یہی بات راجح ہے۔
➋ اس حدیث کا پس منظر کچھ اس طرح ہے کہ سیدنا ابوطلحہ رضی اللہ عنہ کے پاس یتیموں کی شراب تھی۔ حرمت شراب کا حکم آنے کے بعد انھیں اندیشہ لاحق ہوا کہ یتیموں کا بڑا نقصان ہو گا۔ اس نقصان سے بچنے کے لیے انہوں نے رسول اللہ صلی اللہ علیہ و سلم سے شراب کو سرکے میں تبدیل کرنے کی اجازت طلب کی جس کے جواب میں آپ صلی اللہ علیہ وسلم نے ایسا کرنے سے صاف طور پر منع فرما دیا۔ [سنن أبى داود، الأشربة، باب ما جاء فى الخمر تخلل، حديث: 3675] اس کھلی اور واضح ممانعت کے باوجود جس کسی نے شراب سے سرکہ بنانے کے جواز کا فتویٰ دیا اس نے نص صریح کی خلاف ورزی کی۔
➌ اس حدیث (اور دیگر ادلۂ شرعیہ) سے معلوم ہوا کہ شراب کا ہر قسم کا استعمال ناجائز ہے اور اس سے سرکہ بنانا بھی ممنوع ہے۔
[بلوغ المرام شرح از صفی الرحمن مبارکپوری، حدیث/صفحہ نمبر: 22]

Sahih Muslim Hadith 5140 in Urdu