فوائد:
➊ یہ حدیث اس بات کی دلیل ہے کہ ایک رات میں ایک بیوی سے بار بار جماع کرنے یا کئی بیویوں سے کئی بار مباشرت کرنے سے ایک ہی غسل واجب ہوتا ہے، ہر جماع کے بعد غسل کرنا واجب نہیں۔
➋ نبی صلی اللہ علیہ وسلم پر بیویوں میں تقسیم واجب نہیں تھی، اگر تقسیم واجب ہوتی تو ایک بیوی کی باری کی رات آپ کا کسی اور بیوی سے ملاپ درست نہ ہوتا۔
➌ نبی صلی اللہ علیہ وسلم جسمانی لحاظ سے اکمل تھے، چار سے زائد شادیاں کرنا نبی صلی اللہ علیہ وسلم کا خاصہ تھا۔ آپ کے علاوہ کسی کو بھی چار سے زائد شادیاں کرنے کی اجازت نہیں ہے۔