حضرت علقمہ فرماتے ہیں کہ میں منیٰ میں حضرت عبدا للہ رضی اللہ عنہ کے ساتھ چل رہا تھا۔ اس دوران امیر المؤمنین حضرت عثمان رضی اللہ عنہ سے ان کی ملاقات ہوئی تو وہ ان کے ساتھ کھڑے ہوکر باتیں کرنے لگے۔ حضرت عثمان رضی اللہ عنہ نے ان سے کہا اے ابو عبد الرحمن! میں ایک جوان لڑکی سے آپ کی شادی نہ کروادوں؟ شاید وہ آپ کے ماضی کو تازہ کرسکے۔ حضرت عبد اللہ رضی اللہ عنہ نے فرمایا کہ اگر آپ یہ بات کہتے ہیں تو رسول اللہ صلی اللہ علیہ وسلم نے ہم سے فرمایا تھا کہ اے نوجوانوں! تم میں جو شادی اور اس کے متعلقات پر دسترس رکھتا ہو اسے چاہئے کہ شادی کرلے، کیونکہ شادی نگاہ کو جھکانے والی ہے۔ جو شخص شادی کی طاقت نہ رکھتا ہو وہ روزہ رکھے کیونکہ روزہ اس کی شہوت کو توڑ دے گا۔ [مصنف ابن ابي شيبه/كتاب النكاح/حدیث: 16652]