سیدنا عبداللہ رضی اللہ عنہ بیان کرتے ہیں: ایک دفعہ ایک دیہاتی آیا، اس نے مسجد میں پیشاب کر دیا، تو نبی کریم صلی اللہ علیہ وسلم نے اس جگہ کے بارے میں یہ حکم دیا کہ اسے کھود دیا جائے، اور پھر اس پر پانی کا ایک ڈول بہا دیا جائے۔ اس دیہاتی نے عرض کی: ”یا رسول اللہ! ایک شخص کچھ لوگوں سے محبت کرتا ہے، حالانکہ وہ ان کے عمل کی طرح عمل نہیں کرتا۔“ تو نبی کریم صلی اللہ علیہ وسلم نے یہ بات ارشاد فرمائی: ”وہ جس کے ساتھ محبت کرتا ہے اس کے ساتھ ہو گا۔“ اس روایت کا ایک راوی سمعان مجہول ہے۔ [سنن الدارقطني/كتاب الطهارة/حدیث: 477]