ایک دادی سیدنا ابو بکر صدیق رضی اللہ عنہ کے پاس آئی کہ میرا بیٹا یا بیٹی کا بیٹا فوت ہوا ہے اور میں نے سنا ہے کہ کتاب اللہ میں میرا حق ہے۔ سیدنا ابو بکر نے فرمایا: ”میں کتاب اللہ میں تمہارے لیے کوئی حق نہیں پاتا، نہ ہی نبی صلی اللہ علیہ وسلم سے کوئی چیز سنی ہے، میں لوگوں سے پوچھتا ہوں۔“ مغیرہ بن شعبہ رضی اللہ عنہ نے گواہی دی کہ رسول اللہ صلی اللہ علیہ وسلم نے دادی کو چھٹا دیا تھا۔ جب محمد بن مسلمہ رضی اللہ عنہ نے بھی گواہی دی تو انہیں چھٹا حصہ دے دیا۔ پھر جب دوسری دادی آئی تو سیدنا عمر رضی اللہ عنہ نے بھی اسے چھٹا حصہ دیا اور فرمایا: ”اگر ایک ہو تو پورا، اگر دو ہوں تو تقسیم ہوگا۔“ [سنن سعید بن منصور/كتاب ولاية العصبة/حدیث: 1257]