سیدہ خولہ بنت ثعلبہ رضی اللہ عنہا نے رسول اللہ صلی اللہ علیہ وسلم سے عرض کیا کہ ان کے شوہر سیدنا اوس بن صامت رضی اللہ عنہ نے ان سے ظہار کر لیا ہے، پھر قرآن کی یہ آیت نازل ہوئی: «الَّذِينَ يُظَاهِرُونَ مِنْ نِسَائِهِمْ»، آپ صلی اللہ علیہ وسلم نے فرمایا: ”اسے کہو غلام آزاد کرے۔“ انہوں نے عرض کیا: ”وہ اس کی استطاعت نہیں رکھتا۔“ تو آپ صلی اللہ علیہ وسلم نے فرمایا: ”دو مہینے مسلسل روزے رکھے۔“ انہوں نے عرض کیا: ”اس کی بھی طاقت نہیں۔“ تو آپ صلی اللہ علیہ وسلم نے فرمایا: ”ساٹھ مسکینوں کو کھانا کھلائے۔“ [سنن سعید بن منصور/كتاب الطلاق/حدیث: 3001]