عثمان البتی رحمہ اللہ، عبدالحمید بن سلمہ انصاری رحمہ اللہ سے روایت کرتے ہیں کہ ان کے دادا نبی کریم صلی اللہ علیہ وسلم کے زمانے میں اسلام لائے، تو رسول اللہ صلی اللہ علیہ وسلم نے فرمایا: ”اگر تم دونوں (ماں اور باپ) چاہو تو بچے کو اختیار دے دو۔“ چنانچہ باپ کو ایک طرف رکھا گیا اور ماں کو ایک طرف، پھر بچے کو اختیار دیا گیا، تو وہ اپنی ماں کی طرف چلا گیا۔ اس پر رسول اللہ صلی اللہ علیہ وسلم نے دعا فرمائی: ”اے اللہ! اسے ہدایت دے۔“ تو بچہ اپنے باپ کی طرف واپس آ گیا۔ [سنن سعید بن منصور/كتاب الطلاق/حدیث: 3453]