ہشام بن عروہ رحمہ اللہ اپنے والد عروہ رحمہما اللہ سے روایت کرتے ہیں کہ یہ آیت ﴿وَإِنِ امْرَأَةٌ خَافَتْ مِنْ بَعْلِهَا نُشُوزًا أَوْ إِعْرَاضًا﴾ سیدہ سودہ بنت زمعہ رضی اللہ عنہا اور ان جیسی خواتین کے بارے میں نازل ہوئی، کیونکہ سیدہ سودہ رضی اللہ عنہا عمر رسیدہ ہو چکی تھیں اور انہیں اندیشہ ہوا کہ رسول اللہ صلی اللہ علیہ وسلم ان سے جدا نہ ہو جائیں، اور وہ اپنے مقام کو باقی رکھنا چاہتی تھیں، نیز انہوں نے رسول اللہ صلی اللہ علیہ وسلم کی سیدہ عائشہ رضی اللہ عنہا سے محبت اور ان کے مقام و مرتبہ کو جان لیا تھا، چنانچہ سیدہ سودہ رضی اللہ عنہا نے اپنا دن رسول اللہ صلی اللہ علیہ وسلم کے ساتھ سیدہ عائشہ رضی اللہ عنہا کو ہبہ کر دیا، تو رسول اللہ صلی اللہ علیہ وسلم نے یہ قبول فرما لیا۔ [سنن سعید بن منصور/كتاب التفسير/حدیث: 702]