سیدنا انس رضی اللہ عنہاللہ تعالیٰ کے اس فرمان کے بارے میں نقل کرتے ہیں۔ (ارشاد باری تعالیٰ ہے) ”بیشک ہم نے تمہیں واضح فتح عطا کر دی ہے، تاکہاللہ تعالیٰ تمہارے گزشتہ اور آئندہ ذنب کی مغفرت کر دے۔“ سیدنا انس رضی اللہ عنہ بیان کرتے ہیں: یہ آیت نبی اکرم صلی اللہ علیہ وسلم پر حدیبیہ سے واپسی پر نازل ہوئی تھی: نبی اکرم صلی اللہ علیہ وسلم کے اصحاب کو پریشانی اور غم کا سامنا تھا۔ نبی اکرم صلی اللہ علیہ وسلم نے ارشاد فرمایا: مجھ پر ایسی آیت نازل ہوئی ہے، جو میرے نزدیک دنیا اور اس میں موجود تمام چیزوں سے زیادہ محبوب ہے، پھر نبی اکرم صلی اللہ علیہ وسلم نے یہ آیت ان لوگوں کے سامنے تلاوت کی، تو لوگوں نے عرض کی: یا رسول اللہ!اللہ تعالیٰ نے یہ بات، تو بیان کر دی ہے کہ اس نے آپ کے ساتھ کیا کیا ہے، لیکن اس نے ہمارے ساتھ کیا کرنا ہے۔ (یہ بیان نہیں کیا)، تواللہ تعالیٰ نے اس کے بعد والی یہ آیت نازل کر دی۔ ”تاکہ وہ مومن مردوں اور مومن خواتین کو ایسی جنتوں میں داخل کر دے جن کے نیچے نہریں بہتی ہیں۔“ [صحیح ابن حبان/كتاب البر والإحسان/حدیث: 370]