سیدنا ابوہریرہ رضی اللہ عنہ بیان کرتے ہیں: ہذیل قبیلے سے تعلق رکھنے والی دو خواتین لڑ پڑیں ان میں سے ایک نے دوسری کو مار کر اسے قتل کر دیا اسے اور اس کے پیٹ میں موجود بچے کو قتل کر دیا وہ لوگ اپنا مقدمہ لے کر نبی اکرم صلی اللہ علیہ وسلم کی خدمت میں حاضر ہوئے، تو نبی اکرم صلی اللہ علیہ وسلم نے ارشاد فرمایا: اس عورت کے پیٹ میں موجود بچے کی دیت ایک غلام یا کنیز ہو گی اور نبی اکرم صلی اللہ علیہ وسلم نے عورت کی دیت کی ادائیگی اس عورت کے خاندان پر لازم قرار دی عورت کی اولاد اور اس کے دیگر ورثا اس کے وارث بن جاتے۔ اس پر حمل بن نابغہ نے کہا: یا رسول اللہ ( صلی اللہ علیہ وسلم )! کیا میں اس کی دیت دوں میں ایسے شخص کی دیت کیسے دے سکتا ہوں، جس نے کچھ کھایا نہیں کچھ پیا نہیں کچھ بولا: نہیں اونچی آواز میں رویا نہیں اس طرح کا خون تو رائیگاں جاتا ہے، تو نبی اکرم صلی اللہ علیہ وسلم نے ارشاد فرمایا: یہ تو کاہنوں کی طرح کی بات چیت کر رہا ہے نبی اکرم صلی اللہ علیہ وسلم نے مسجع الفاظ کی وجہ سے یہ بات ارشاد فرمائی۔ [صحیح ابن حبان/كتاب الديات/حدیث: 6020]