سیدنا ابوہریرہ رضی اللہ عنہ روایت کرتے ہیں، نبی اکرم صلی اللہ علیہ وسلم نے ارشاد فرمایا: ”آج میں جھنڈا اس شخص کو دوں گا، جو اللہ اور اس کے رسول سے محبت رکھتا ہے، تو لوگ بڑھ چڑھ کر دیکھنے لگے۔ نبی اکرم صلی اللہ علیہ وسلم نے دریافت کیا: علی کہاں ہے۔ لوگوں نے بتایا: ان کی آنکھیں دکھنے آئی ہوئی ہیں۔ نبی اکرم صلی اللہ علیہ وسلم نے انہیں بلایا، اپنا لعاب دہن اپنی ہتھیلی پر ڈالا اور ان ہتھیلیوں کو سیدنا علی رضی اللہ عنہ کی آنکھوں پر پھیر دیا پھر آپ صلی اللہ علیہ وسلم نے انہیں جھنڈا دیا تو اللہ تعالیٰ نے ان کے ہاتھوں فتح نصیب کی۔“ [صحیح ابن حبان/كتاب إخباره ﷺ عن مناقب الصحابة رجالهم ونسائهم بذكر أسمائهم رضوان الله عليهم أجمعين/حدیث: 6933]