سیدنا ابوسعید خدری رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ”زکوٰۃ کسی مالدار کے لیے حلال نہیں ہے سوائے پانچ صورتوں کے: اللہ کی راہ میں جہاد کرنے والا، زکوٰۃ وصول کرنے والا عامل، قرض دار (جو ادائیگی سے قاصر ہو)، وہ شخص جس نے اسے اپنے مال سے خریدا ہو، یا وہ شخص جس کا کوئی مسکین پڑوسی ہو جسے صدقہ دیا گیا اور پھر اس مسکین نے وہی مال کسی مالدار کو تحفے میں دے دیا۔“
یہ حدیث شیخین کی شرط پر صحیح ہے، امام مالک نے اسے مرسل روایت کیا ہے لیکن دیگر ثقہ راویوں نے اسے موصول (مسند) بیان کیا ہے اور ثقہ کی زیادتی مقبول ہوتی ہے۔ [المستدرك على الصحيحين/كتاب الزكاة/حدیث: 1496]