سیدنا عبداللہ بن علی بن الحسین اپنے والد سے وہ ان کے دادا سے روایت کرتے ہیں کہ سیدنا علی رضی اللہ عنہ اور سیدنا حمزہ رضی اللہ عنہ نبی اکرم صلی اللہ علیہ وسلم کی بارگاہ میں آئے، دونوں نے ہی غسل کیا ہوا تھا، نبی اکرم صلی اللہ علیہ وسلم نے فرمایا: تم دونوں نے غسل کیسے کیا؟ (یعنی پردے کا کیا انتظام کیا تھا؟) ان میں سے ایک نے کہا: یا رسول اللہ صلی اللہ علیہ وسلم میں نے کپڑے کے ساتھ اس سے پردہ کر لیا تھا۔ دوسرے نے کہا: میں نے بھی اسی طرح کیا تھا۔ تو رسول اللہ صلی اللہ علیہ وسلم نے ارشاد فرمایا: اگر تم اس کے علاوہ کچھ کرتے تو میں تمہیں پردہ کروا دیتا۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 4940]