محمد بن اسود بن خلف بیان کرتے ہیں کہ ان کے والد نے ان کو بتایا کہ انہوں نے رسول اللہ صلی اللہ علیہ وسلم کو فتح مکہ کے دن بیعت لیتے ہوئے دیکھا، آپ فرماتے ہیں کہ رسول الله صلی اللہ علیہ وسلم دار سمرہ کے قریب بیٹھے تھے۔ سیدنا اسود رضی اللہ عنہ فرماتے ہیں: میں نے دیکھا کہ نبی اکرم صلی اللہ علیہ وسلم بیٹھے ہوئے تھے اور چھوٹے، بڑے، مرد اور عورتیں سب آ آ کر اسلام اور کلمہ شہادت پر رسول اللہ صلی اللہ علیہ وسلم کی بیعت کر رہے تھے۔ میں نے پوچھا: اسلام کیا چیز ہے؟ فرمایا: الله تعالیٰ پر ایمان لانا۔ میں نے پوچھا: شہادت کیا ہے؟ فرمایا: اس بات کی گواہی دینا کہ الله تعالیٰ کے سوا کوئی عبادت کے لائق نہیں ہے اور محمد صلی اللہ علیہ وسلم اللہ کے بندے اور رسول ہیں۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 5367]