زیاد بن عبد الرحمن نخعی بیان کرتے ہیں کہ ہم کوفہ کی بڑی مسجد میں سیدنا علی رضی اللہ عنہ کے پاس بیٹھے ہوئے تھے جبکہ اس وقت کوفہ میں چھپڑ والے مکانات تھے، مؤذن آیا اور کہا: ”اے امیر المؤمنین! عصر کی نماز کا وقت ہو گیا ہے،“ انہوں نے فرمایا: ”بیٹھ جاؤ،“ وہ بیٹھ گیا، پھر دوبارہ آ کر وہی بات کہی، تو سیدنا علی رضی اللہ عنہ نے (مذاقاً) فرمایا: ”یہ کتا ہمیں سنت سکھا رہا ہے!“ پھر وہ کھڑے ہوئے اور ہمیں عصر کی نماز پڑھائی، جب ہم واپس اپنی جگہ پہنچے تو ہم گھٹنوں کے بل بیٹھ گئے اور سورج ابھی اتنا اونچا تھا کہ غروب کے وقت کی زردی ابھی شروع نہیں ہوئی تھی بلکہ ہم سورج کو صاف دیکھ رہے تھے۔
یہ حدیث صحیح الاسناد ہے اور شیخین نے اس کے تمام راویوں سے احتجاج کیا ہے لیکن اسے روایت نہیں کیا۔ [المستدرك على الصحيحين/أول كتاب الصلاة/حدیث: 702]