سیدنا اشعث بن قیس رضی اللہ عنہ سے روایت ہے، انہوں نے کہا: میرے ہاں لڑکا پیدا ہوا، جب مجھے اس کی بشارت دی گئی تو میں نبی کریم صلی اللہ علیہ وسلم کے پاس موجود تھا، میں نے (بطورِ مزاح) کہا: میری خواہش تھی کہ اس کے بدلے آپ لوگوں کے لیے روٹی اور گوشت سے بھرا ہوا ایک بڑا پیالہ ہوتا، تو رسول اللہ صلی اللہ علیہ وسلم نے فرمایا: ”اگر تم نے یہ بات کہی ہے (تو یاد رکھو) کہ یہ (بچے) بخل، بزدلی اور غم کا باعث بنتے ہیں، لیکن یہ دلوں کا میوہ اور آنکھوں کی ٹھنڈک بھی ہیں۔“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔ [المستدرك على الصحيحين/كتاب الذبائح/حدیث: 7788]